On the road again...

Er að leggja af stað frá Salzburg til Fredrikshaven og til baka aftur í kvöld. Verð líklega 9 klst að keyra þessa leið. Þökk sé frábæri þjónustu Heimsferða þá þarf ég að leggja í þetta ferðalag. Eins gott að ekkert komi fyrir Gjallarhornið og hann komist óskaddaður úr þessari ferð. Þetta eru 950 km og það verður iPotinn sem heldur mér við efnið á leiðinni heim.

 

Uppfært: Gjallarhornið er aftur kominn heim til Salzburg, 9 klst fóru í þetta ferðalag og gekk það vel. Meðalhraði 150km hraði á frábærum Benz E 220. Hélt mér vakandi síðustu klukkutímanna með söng, maður sofnar ekki við eigin tóna.

Blessuð sértu sveitin mín....

Þessa elska hann ms. Herjólfur bilaður. Ég verð alltaf bilaður þegar ég
hef þurft að fara í þetta blessaða skip. Tek yfirlett dans við ölduna
með æludall í annari með viðeigandi hressleika. En hvað gerir maður
ekki til þess að komast til paradísar. 

Ferð Herjólfs fellur niður

Tengsl milli innbrota og hálku....

Getur einhver útskýrt fyrir mér hvort einhver tengsl séu á milli þessa innbrots í Ormsson og hálkunar í borginni?

Fleygðu flatskjá í gegnum rúðu í Bræðrunum Ormsson til að komast út

Ekki missa af X Factor í kvöld....

Í kvöld bíð ég spenntur eftir því að horfa á X Factor. Yfirleitt er ég
ekki spenntur fyrir þessa þætti en fyrir þáttin í kvöld er ég nokkuð
spenntur. Ástæðan er sú að Jögvan ætlar að syngja lagið Home eftir
Michael Bublé. Þetta lag er eitt það fallegasta sem til er og er
Michael Bublé í miklu uppáhaldi hjá mér. Ég sá Bublé á tónleikum hérna
í Salzburg á síðasta ári og voru það frábærir tónleikar. Leggið við
hlustið í kvöld þegar Jögvan syngur þetta lag. 

Formaðurinn á Kanarí........

Stjórnmálin koma manni á óvart á hverjum degi. Samfylkingin virðist vera í frjálsu falli og það að formaðurinn hennar sé á Kanarí virðist ekkert ætla að skila þeim neinu. Ég hafði miklar áhyggjur af því þegar ég las að Ingibergur Sólbrúnn væri á Kanarí að hvíla sig. Ég hef alltaf haft óbilandi trú á Ingibergi S sem stjórnmálamanni. Ingibergur Sólbrúnn þurfti t.d. aldrei að taka þátt í prófkjöri þegar Ingibergur Sólbrúnn starfi með R-listanum, Ingibergi var svo boðið að vera forsætisráðherraefni Samfylkingarinnar án þess að þurfa að berjast fyrir þeim titli. En þessum titli fylgdu álög sem að ekki voru af hinu góða. R-listinn sprak á endanum og hafði prufað flest alla sem höfðu hæfileika til þess að starfa sem borgarstjóri frá þeim tíma sem Ingibergur Sólbrúnn fór í framboð.
Svo einn góðan veður dag ákvað Ingibergur Sólbrúnn að fara í slag við Össurinn og vann hún hann með miklum mun. En þá fóru líka álögin að segja til sín. Samfylkingin tók að minnka og minnka. Ingibergur Sólbrúnn fór að segja að fólkið í landinu treysti ekki þingflokknum en samt ætlar Ingibergur að mæta með nánast sama lið í næstu keppni. Svo sagði Ingibergur Sólbrúnn að Samfylkingin væri að tala allt of mikið um stjórnmál og það væri ekki gott fyrir stjórnmálaflokk.
En núna hefur Ingibergur Sólbrúnn ákveðið að fara til Kanarí til þess að sjá hvort að Össurinn nái ekki að aflétta þeim álögum sem að Ingibergi fylgja. En álfkonan segir að það sé of seint.
En Ingibergur Sólbrúnn verður alltaf minn uppáhaldsstjórnmálamaður, þvílíkur ferill sem formaður Samfylkingarinnar.

Vinstri-grænir með 23,6% en Samfylking 18,5%

Lífið er yndislegt......

Já lífið er svo sannarlega yndislegt, Man Utd komið áfram í meistaradeildinni, Bayern liðið mitt í Þýskalandi einnig komið áfram og vonandi mætast þessi lið og þá skelli ég mér á völlinn.

Soldið sérstakt að Arsenal, Real Madrid og Barcelona eru dottin út, ég var að vona að Liverpool hefði dotið út en þeir gera það bara næst. 

Manchester United vann Lille öðru sinni

Karlinn fellur í skuggann á kórnum.....

Nú þarf ég að skoða það að koma til Íslands og sjá þessa tónleika. En mig grunar að Groban verði í skugganum á Gospelkór Reykjavíkur enda er það kór á heimsmælikvarða.

Josh Groban með tónleika í Laugardalshöll í maí

Það liggur ekkert á....

Miðað við fréttatilkynningunina sem samgönguráðaneytið sendi frá sér þá liggur þeim ekkert á að halda áfram þeim rannsóknum sem þarf til þess að meta kostnað og athuga hvort gagnagerð til eyja sé gerleg. Fyrir mitt leyti treysti ég ekki því sem Árni Johnsen segir í þessu máli þó svo að hann hafi unnið með grjót á sinni lífsleið þá á karlinn soldið til að fara fram úr sér í einstaka málum.  Því væri það hið besta mál að óháður aðili skoði þetta mál. En hvenar er einhver aðili óháður. Er hann ekki soldið háður þeim aðila sem fær hann í verkið og borgar honum fyrir.

Ég er á því að einkaaðilar eigi að fara í þessa framkvæmd sé hún framkvæmanleg en ég er ekki enn fullviss um hvort að þetta sé framkvæmanlegt.

Ákvörðun um mat á þörf á frekari rannsóknum á Vestmannaeyjagöngum ekki verið tekin

Gjallarhornið bloggari ársins, íþróttamaður ársins...

Gjallarhornið ætlar að velja þá sem eru að gera góðahluti í samfélaginu og eftirfarandi viðurkenningar verða veittar þessum einstaklingum sem hér segir:

Bloggari ársins:  Gjallarhornið vefsíðan kjartanvido.blog.is fær viðurkenningu fyrir frábært blogg þar sem engum er óhætt.
Íþróttamaður ársins: Kjartan Vídó fær þennan titill fyrir gríðarlegan árangur sem handboltamaður hjá liðini Union Handball Club í Salzburg. Kjartan Vídó er leikmaður sem ætti að vera í landsliðinu.
Stjórnmálamaður ársins: Kjartan Ólafsson fær þennan titill fyrir það að átta sig á því að betra er að vera stjórnmálamaður í orlofi í Salzburg en áhugastjórnmálamaður á Íslandi.
Eyjamaður ársins: Kjartan Vídó fær þessa viðurkenningu fyrir að gleyma aldrei uppruna sínum, einn besti eyjamaður sem gengur á þessari jörðu.
Jafnréttisverðlaun: Kjartan Vídó ákvað að sýna jafnrétti í verki og gerast heimvinnandi húsfaðir.

Viðurkenning ársins: Jafnréttisverðlaun framsóknarflokksins eru verðlaun ársins enda veitt sem innanhúsverlaun hjá Framsóknarflokknum
Meira um þessu frábæru verðlaun

 

Ber er hver að baki......

Ég bloggaði um kaup héraðsblaðsins Fréttar á Vaktinni fyrir nokkru síðan. Miðað við fyrstu fréttir leit það út þannig að Fréttir væru að kaupa Vaktina og blaðið yrði gefið út eins og áður. En Eyjasýn sem er fyrirtækið sem gefur út Fréttir hefur ákveðið að prenta blaðið á höfuðborgarsvæðinu en ekki í sinni eigin prentsmiðju. En í eyjum eru tvær prentsmiðjur, ein í eigu Eyjasýnar og svo Prentsmiðjan Eyrún sem hefur séð um prentun á Vaktinni hingað til. Í sjálfu sér er ekkert hægt að gagnrýna það að fyrirtækið ætli að prenta blaðið á höfuðborgarsvæðinu ef að þeir telja það hagkvæmara. En þeir sem eiga hlut í fyrirtækinu eru einstaklingar sem ég gerð ráð fyrir því að þeir bæru hag eyjanna meira fyrir brjósti en raun ber vitni. Fyrsti varamaður í bæjarstjórn og fyrrverandi formaður bæjarráðs er stjórnarmaður fyrirtækissins og því kemur mér þetta á óvart.

Stundum er lífið skrítið þegar flestir eru að berjast fyrir hag eyjanna og þá fréttir maður af svona málum. Ég vona svo sannarlega að blaðið verði prentað í eyjum í framtíðinni þannig að það þurfi ekki að flytja það með Herjólfi áður en það er borið út. Mig grunar að þessi prentun sé um eitt stöðugildi í prentiðnaðinum og eyjamenn eiga að berjast fyrir hverju stöðugildi í eyjum við eigum ekki að fækka þeim svona auðveldlega.

Bloggi breytt eftir að Gjallarhornið komst að eignarhaldi á www.eyjar.net