Að liggja á bæn..

Mér finnst eitthvað skrýtið við þessa mynd af páfanum. Þarf að liggja eins og páfi gerir til þess að ná betra sambandi við almættið. Nú eru tveir yngstu prestar landsins félagar mínir og hef ég aldrei séð þá beita þessari aðferð. Kannski að þetta sé nýsköpun í guðfræði?

Páfi við messu í Péturskirkju á föstudaginn langa

Sacher tertan er góð en gúllasúpan er betri..

Ég fer stundum á Café Sacher hér í Salzburg, þetta er líklega fallegasta kaffihúsið hér í borg og það er skemmtileg stemning þarna inni. Myndir af frægum einstaklingum sem hafa heimsótt kaffihúsið og mér finnst oft einkennandi fyrir þennan stað hvað mikið af eldri konum sitja þarna og spjalla. Ég er ekki hrifinn af þessari Sacher tertu það besta sem ég veit á Sacher er gúllassúpan þeirra og svo auðvitað 40 cm pulsan með sinnep og túmat. En ég kannski fæ mér eina tertu til að fagna þessu afmæli.

Sacher-tertan 175 ára

Afhverju undir Fólk?

Þessi frétt um lesbíublakið er undir dálknum Fólk á mbl.is er þetta ekki íþróttafrétt?

Evrópskar lesbíur keppa í blaki

Frábært hjá Valgerði...

Valgerður fær plús í pylsu fyrir þetta, ríkið á ekkert að vera að vasast í bissness eins og þessum. Nú er spurningin hvort að Vinstri Grænir verða á móti þessu?

Hlutur ríkisins í Baðfélagi Mývatnssveitar seldur

Lélegasta leikkona Hollywood...

Ég veit ekki hvað er merkilegt við það að Sandra Bullock sé á leiðinni til landsins, hún er gríðarlega léleg leikkona og hún passar ekki inn í íslenska náttúru. Mig grunar að þessi mynd verði leiðinleg.

Sandra Bullock leikur í kvikmynd á Íslandi

Nýtt skip í flota eyjamanna...

Óska útgerðarfélaginu Ufsabergi ehf, áhöfn Gullbergs VE og eyjamönnum til hamingju með þetta nýja skip. 

Nýtt skip til Vestmannaeyja

Hvað gengur mönnum til?

Ég verð að segja það að núna er ég orðlaus. Hvaða aumingi getur ráðist á fatlaðan einstakling í hjólastól og stolið af honum símanum sem er hans öryggistæki og berja hann svo í þokkabót. Mér er sama þótt að árasarmaðurinn sé á einhverjum fíkniefnum fjandin hafi svona lið á heim bak við lás og slá og þar má það vera sem lengst. 

Þetta er aumingjaháttur eins og hann gerist verstur. 

Barinn og rændur í hjólastól

Sú besta...

Hljómsveitin Mezzoforte er ein sú besta sem að við höfum átt og sem betur eru þeir enn að spila. Ég hef ekki náð þeim áfanga að sjá þá spila en ég hef mikin áhuga á að skella mér í bíltúr til Þýskalands í næstu viku og sjá þessa snillinga. Ég byrjaði að hlusta á þá þegar Monkey Fields kom út árið 1996 og mitt uppáhalds lag á þeirri plötu ber heitið Funeral For A Mouse. Mezzoforte er að fara í tónleikaferðalag á næstu vikum og má gera ráð fyrir því að Evrópubúar fái þar að hlusta á gæða tónlist. Gangi ykkur vel strákar...

Apple fjallar um Mezzoforte

Ef ég ætti 180 milljónir...

þá myndi ég líklega borga eins mörgum krökkum og peningarnir duga til að hætta að spila á fiðlu. Það erfiðasta sem ég hef lent í er að hlusta að byrjendur á fiðlu spila á tónleikum og það tók á eyrun. En blessaðir krakkarnir eru öll af vilja gerð og það er hið besta mál. En foreldrar eiga að hafa vit fyrir börnunum og senda þau á eitthvað skárra en fiðlu.

Stradivarius-fiðla seld á 180 milljónir

Hver prumpaði?

Það var ekki ég en þetta er greinilega lögreglumál skítalyktin er svo mikil...

Sekt vegna vindgangs