Að kveikja sinu

Það var alltaf gaman þegar við peyjarnir vorum að kveikja sinu og fá okkur einn njóla. Ekki gátum við sótt um leyfi eins og þessi bóndi og er ég þess full viss að sýslumaður hefði líklega hafnað beiðni okkar um leyfi til sinu bruna.

Fjölmargar kvartanir vegna sinubruna í Eyjafirði

Ég kannast ekki við það

Þessa setningu notar Jón Sigurðsson formaður Framsóknarflokksins oft í umræðum við fjölmiðlamenn. Í Kastljósinu sagðist hann ekki kannast við það að mál Jónínu sé erfitt fyrir Framsóknarflokkinn. Hann sagðist ekki kannast við það að mál um skipti á stjórnarformanni í Landsvirkjun væri að valda innanflokksdeilum í Framsókn. Gaman að Jóni en minnið er líklega ekki að virka þegar á reynir.

Helgi Hjörvar er Emil í Kattholti.

Ekki vissi ég að sem krakki hefði ég haft Helga Hjörvar í eyrunum að syngja Emil í Kattholti. Núna þegar dóttir mín er farin að hlusta á þessa gömlu góður plötu þá tók ég eftir því að Helgi Hjörvar söng inn rödd Emils í Kattholti.

 

í VIP stúku í Allianz areana í Munchen.

Ég gær fór ég á Allianz areana í Munchen en Bayern Munchen var að spila á móti Hamborg. Ég var því miður ekki að horfa á leikinn í VIP stúkunni heldur var ég að vinna. Fyrirtækið sem ég starfa hjá hér í Salzburg er í samvinnu við fyrirtæki í Munchen og sjá þau um þjónustu í 50 tólf manna stúkum sem erum í eigu fyrirtækja. Sjáum við um að liðið fengi að borða og drekka. Eins og það var gaman að koma þarna og sjá völlinn frá þessu sjónarhorni. Ég lagði af stað klukkan 07:45 og kom heim 22:20 í gærkvöldi. Á þessum tíma fékk ég 20 mínútna pásu og eina samloku. Næst þegar mér verður boðið að vinna á fótboltaleik í Munchen þá segi ég nei takk, ég fer ekki á fótboltaleik til að þjóna til borð, fótboltinn er allt of skemmtilegur að ég slítið mér út fyrir einhverja bissnesskarla.

Góð auglýsingamennska hjá Sjálfstæðisflokknum...

Bjóst ekki við að ég myndi hrósa framkvæmdastjóra flokksins, formanni SUS, Þórlindi Kjartanssyni og Þóri Kjartanssyni en þeir skipa auglýsingastjórn Sjálfstæðisflokksins. Þeir fá plús í pylsu í dag fyrir hófsama auglýsingaherferð og einnig er vefsíða flokksins besta sem í boði er í tengslum við þessar kosningar.

 

Góðar fréttir...

Miðað við þessa frétt þá ætlar Magnús Kristinnsson og Bergur Huginn að halda áfram að styrkja kvóta stöðu sína og þá mikilvægu útgerð sem er í Vestmannaeyjum. Magnús fær plús fyrir þetta, vona bara hans vegna að stjórnmálaflokkar sem styðja eignaupptöku komist ekki til valda eftir kosningar.

Glitnir fjármagnar skipasmíði fyrir Berg-Huginn

Snilldar konsept

Það eru svona þættir hérna í Austurríki á föstudagskvöldum. Vinir okkar hérna úti horfðu á þetta og voru alltaf að tala um þessa þætti og sagði ég að ég myndi flytja heim um leið og ég færi að horfa á svona vitleysu. Svo eitt kvöldið var ákveðið að gefa þessu séns og þetta er hið skemmtilegasta prófgram. Ég skora á Stöð 2 að taka svona þætti til sýningar. Ég sé fyrir mig mér eftirfarandi dansara:

Heiðar Ástvalds : Siv Friðleifs.

Benedikt Einarsson : Inga Lind Karlsdóttir

Kara : Gísli Marteinn Baldursson

og fleiri góð pör en ég þekki ekki fleiri dansara með nafni. 

Heather Mills fallin úr danskeppni

Gott mál....

Mikið svakalega er ég ánægður að Jón Ásgeir hafi keypt þessa íbúð, þetta er fyrsta skrefið í því að Baugur fari að kaupa eitthvað í Bandaríkjunum. Spennandi verður að sjá hvaða fyrirtæki verður fyrst í röðinni í kaupum Baugs manna.

Jón Ásgeir keypti sér íbúð í New York fyrir 10 milljónir dollara

Rooney Rooney Rooney

Ég var búinn að kveðja drauminn um þrennuna í ár þegar staðan var 1-2 en þá fer Shrek af stað og klárar þetta. Manchester United er með tvo unga snillinga, Rooney og Ronaldo og þeir voru ekki fæddir þegar leikjahæsti leikmaður AC Mílan byrjaði að spila þannig að þeir eiga nóg eftir. En þvílík vörn sem Manchester spilaði með í gær. Skömm að þessu en ótrúlegt að vinna þennan leik með þessa vörn eins og hún spilaði í gær. 

Ferguson: Gáfumst aldrei upp

Hún er líka soldið spes..

Hvað gengur kjellu til að halda með Arsenal, þetta segir soldið um þetta sérstaka kóngafólk í Bretlandi. En það er The Sun sem setur þessa frétt í loftið og það berast að varast það blað.

Drottningin heldur með Arsenal