Víst er fagur Vestmannaeyjabær, vinaleg er einnig Heimaey...

En ég skil ekkert í því að mbl.is skuli ekki hafa birt frétt og mynd af mér þar sem ég hef verið í eyjum síðustu vikuna. Gjallarhornið er sárlega móðgað.

Helgi skoðar Heimaey

Ætli Ólafur Ragnar sé fúll...

Mig grunar að forseti Íslands sé ekki ánægður með þessa niðurstöðu, hann nær ekki að mynda vinstri stjórn í hans forseta tíð og er það bara hið besta mál. Það er þessi eini þingmaður sem færðu völdin frá forsetanum þreytta yfir til Geir H Haarde.

Ingibjörg Sólrún: Ríkisstjórnin of veik

Enga fílupúka...

Það verður erfitt fyrir þau hjón Geir H og Jón Sig að halda krökkunum sínum í skefjum ef að þeir ætla að fara af stað með einn þingmann sem tryggir meirihluta á þingi. Þá má ekki eitt barn fara í fílu og þá er allt í steik. Ég veit eiginlega ekki hvaða stjórn væri óska stjórn fyrir Gjallarhornið. Ef að Sjálfstæðisflokkurinn dansar með Vinstri Grænum þá getum við kvatt einkavæðingu og sölu ríkisfyrirtækja en þá verður ekkert Evrópusambands daður hjá þeim en ef að Samfylkingin verður tekin í dans þá er líklega sameiginlegri stefna á milli þeirra. En illa líst mér á eins þingmanns meirihluta kannski D og B bjóði F í dans en það væri súrasta samsetning sem til væri.

Vona bara að ráðaneytum verði fækkað um 2-3 við myndum næstu stjórnar.

Geir og Jón funda í kjölfar kosninganna

Ágætis árangur Frjálslyndra

Miðað við þær deilur sem að Frjálslyndir hafa farið í gegnum síðustu mánuðina þá verður því miður að segja að árangur þeirra sé ágætur. Ég verð að fagna því að Magnús Þór sé dottinn út af Alþingi það er eitthvað við hann sem fer í mínar fínustu og ég get ekki með nokkru móti fagnað komu Grétars Mars sem boðar eigna upptöku á kvóta eyjamanna og Jóni Magnússyni inn á Alþingi. Ég aftur á móti hef gaman að Guðjón Arnari og hann er alltaf hress.

Guðjón Arnar: Frjálslyndi flokkurinn hefur fest sig í sessi

Kemur svo sem ekki á óvart.

Gjallarhornið getur ekki sagt að þetta komi Gjallarhorninu á óvart að einhverjir striki Árna út en þessi fjöldi er gríðarlegur. Þessar útrikanir eru verkfæri kjósenda að láta í ljós skoðun sína á frambjóðendum í kosningum og ef að ég man rétt getur kjósandi breytt röðun lista þegar kosið er. En það þarf miklar útrikanir svo að þetta virki en í þessum kosningum hefur þetta virkar og má búast við því að Árni og Björn falli niður um eitt sæti. Ég ætla ekki að tjá mig hér um Árna en ég skil ekki útrikanir Björns. Björn hefur staðið sig frábærlega í sínu embætti og er hann einn okkar albesti stjórnmálamaður, hann var góður menntmálaráðherra og hann hefur tekið löggæslu mál hér í landi föstu tökum og gert lögregluna enn betri og sýnilegri. Þó svo ég skilji ekki afhverju hann rekur ekki Ásdísi vinkonu mína út löggunni

22% strikuðu yfir Árna Johnsen

Löng nótt að baki...

Ein vika í pólítik getur verið langur tími en ég held að þetta sé lengsta kosningavaka sem sögur fara af á Íslandi. Það var svo sannarlega ánægjulegt að vakna upp við það að ríkisstjórnin hafi haldið velli en tæpt var það. Það sem ég er ánægðastur með eftir þessa kosninganótt er það að Sjálfstæðisflokkurinn er með fyrsta þingmann í öllum kjördæmum og hefur það aldrei gerst áður. Við bættum við okkur fylgi í Suður og suðvestur kjördæmi. Bjarni Harðarson snillingur er á þingi. Mörður Árnason, Guðmundur Steingrímsson, Róbert Marshall, Magnús Þór Hafsteinsson og Guðfríður Lilja komust ekki á þing en þetta eru einstaklingar sem ég hef ekki mikið álit á.

Það sem ég er óánægður með er að Grétar Mar andstæðingur eyjanna nr 1 komst á þing ásamt Jóni Magnússyni. Og hvað í fjandanum er að gerast þegar Ellert B Schram kemst á þing eftir margra ára fjarveru.

En fjölmiðlar eru alveg ótrúlegir og þetta kom fram í nótt hjá þeim: Sjálfstæðisflokkurinn sigurvegari kosningana, Samfylkingin sigurvegari miðað við skoðannakannanir og Vinstri Grænnir sigurvegari í fylgisaukningu en samt búnir að tapa miklu fylgi í skoðannakönnunum.

Ríkisstjórnin hélt velli með minnsta mun

Gleðilegan kjördag.

Í lýðræðissamfélagi skiptir öllu máli að nota atkvæðisrétt sinn, ég skora á alla að fara á kjörstað í dag og kjósa eftir sinni samfæringu og það mikil vægasta er að njóta þess að kjósa. Það er ekki sjálfgefið að búa í lýðræðisríki þar sem frjálsar kosningar fara fram.

Eigið góðan kjördag.

Búið að opna kjörstaði um allt land

Fáranlegar tölur

Það mun ekki gerast að Sjálfstæðisflokkurinn fái svona hátt við erum að berjast í þessu 35-37% og því þarf að taka á öllu næstu daga. Miðað við Framsókn þá eru þeir í góðum málum vegna þess að þeir fara upp um 5-7 % og tapa þá ekki nem 3-5% frá síðustu kosningum. Samfylking hefur hækkað mikið eftir að ég lýsti yfir ást minni á Ingibjörgu Sólrúnu og mun ég brátt endurskoða þá ást. Vinstri græn hafa dalað mikið og kenni ég frænku minni um það fall. Það er klárt að þetta er allt henni að kenna og hún ætti að sjá að sér og draga framboð sitt til baka og þá mun ég frelsa hana frá þessari vinstri villu.  Skil svo ekkert í þessum 5.3% sem ætla að kjósa Frjálslynda, er virkilega til fólk í landinu sem ætlar að leggja allt í rúst hérna, fara í eigna upptöku á fiskveiðiheimildum. Það er með ólíkindum að svona skoðanir fái nokkuð fylgi í mínum huga mun aldrei ná sátt um sósíallisma á Íslandi.

Kæri síðulesandi síðustu metrarnir eru framundan, það eina sem ég bið um er að fólk skoði fortíðina og hugsi til framtíðar. Marshall aðstoð er liðin tíð, höldum áfram á þeirri góðu braut sem við höfum verið á undan farin ár.

Kv

Vídó sem skyndilega fann aftur þessa skemmtilegu stemningu sem fylgir kosningum.

PS

Kjósið Sjálfstæðisflokkinn, Amma Vídó segir að það sé best 

Ríkisstjórnin með meirihlutafylgi skv. könnun Fréttablaðsins

Frábærir frambjóðendur.

Ég á mér uppáhalds frambjóðendur í öðrum flokkum en þeim sem ég styð og það eru:

Vinstri grænir
Steingrímur J: Fastur á sínu og maður veit hvar maður hefur hann
Katrín Jakobsdóttir: Hef gaman að henni, hún er klár og hefur ákveðinn sjarma
Aldís Gunnardóttir: Fallegasti kommi sem til er en hún er of klár að mínu mati til að vera í VG

 Samfylking:
Ingibjörg Sólrún: Elska hana
Björgvin Sigurðsson: Þekkir ekki mun á þorsk og ufsa og maðurinn ætlar að verða menntamálaráðherra.
Lúlli Bedda: Týndi frambjóðandinn
Helgi Hjörvar: Rödd Emils í Kattholti á plötunni góðu.

Framsókn:
Bjarni Harðarson: Myndi vilja hafa þann snilling í  Sjálfstæðisflokknum, segir sína skoðun hreint út.
Birkir Jón: Enn með sömu hárgreiðslu og þegar hann fermdist, leggur áherslu á orð sín með miklum handarhreyfingum.
Siv Friðleif: Hún er glæsileg í leiðurgallanum á mótorhjólinu.
Samúel Örn: Hver er Íslands eina von, það er Samúel Örn Erlingsson

Frjálslyndir:
Grétar Mar: Var með síðasta bindi sem sögur fara af á fundi í Höllinni og tryggði að mjög fáir eyjamenn kjósi Frjálslynda á eyjum þegar hann talaði um að taka aflaheimildir eyjamanna af þeim.
Jón Magnússon: Líklega þrautsegjasti frambjóðandi sögunar, er nánast búinn að starfa fyrir alla flokka.
Hanna Birna: Ef að minnið mitt er fara með mig þá man ég eftir henni í leikfélaginu í gamla daga og ef ég man eftir henni þá er hún góður leikari.

Íslandshreyfingin:
Ásta Þorleifsdóttir: Ræðarinn mikli, jarðfræðingurinn og flugmaðurinn. Kona sem hefur borðað meiri sand sem fullorðin kona en sem barn.
Jakob Frímann: Syngir fallegasta lag sögunar Vís er fagur Vestmannaeyjabær 

 

 

Draumaliðið á þing.

Ég hef ákveðið að setja saman draumalið fyrir Alþingiskosningarnar og eru þetta 11 frambjóðendur sem að ég hef gaman að en ég ætla ekki endilega að kjósa + varamenn

                                                           Gretar Mar X-F

 

Aldís Gunnarsdóttir x-v Sóley Tómasdóttir x-v  Samúel Örn Erlingsson X-B   Gummi Steingríms X-S

 

 

Jón Magnússon X-F    Ingibjörg Sólrun X-S   Katrín Jakobsdóttir X-V      Kristrún Heimisdóttir X-S 

 

                                                     Guðlaugur Þór X-D

                                                     Jóhanna Sigurðardóttir X-S

 

Varamenn: Hermann Hreiðarsson fyrrverandi frambjóðandi Þjóðvaka

                  Össur Skarphéðinsson

                  Jón Baldvin

                  Ásgerður Jóna Flosadóttir

                  Guðjón Arnar Kristjánsson varamarkmaður

 

Skora á aðra að gera sitt draumalið.