Ber er hver að baki......

Ég bloggaði um kaup héraðsblaðsins Fréttar á Vaktinni fyrir nokkru síðan. Miðað við fyrstu fréttir leit það út þannig að Fréttir væru að kaupa Vaktina og blaðið yrði gefið út eins og áður. En Eyjasýn sem er fyrirtækið sem gefur út Fréttir hefur ákveðið að prenta blaðið á höfuðborgarsvæðinu en ekki í sinni eigin prentsmiðju. En í eyjum eru tvær prentsmiðjur, ein í eigu Eyjasýnar og svo Prentsmiðjan Eyrún sem hefur séð um prentun á Vaktinni hingað til. Í sjálfu sér er ekkert hægt að gagnrýna það að fyrirtækið ætli að prenta blaðið á höfuðborgarsvæðinu ef að þeir telja það hagkvæmara. En þeir sem eiga hlut í fyrirtækinu eru einstaklingar sem ég gerð ráð fyrir því að þeir bæru hag eyjanna meira fyrir brjósti en raun ber vitni. Fyrsti varamaður í bæjarstjórn og fyrrverandi formaður bæjarráðs er stjórnarmaður fyrirtækissins og því kemur mér þetta á óvart.

Stundum er lífið skrítið þegar flestir eru að berjast fyrir hag eyjanna og þá fréttir maður af svona málum. Ég vona svo sannarlega að blaðið verði prentað í eyjum í framtíðinni þannig að það þurfi ekki að flytja það með Herjólfi áður en það er borið út. Mig grunar að þessi prentun sé um eitt stöðugildi í prentiðnaðinum og eyjamenn eiga að berjast fyrir hverju stöðugildi í eyjum við eigum ekki að fækka þeim svona auðveldlega.

Bloggi breytt eftir að Gjallarhornið komst að eignarhaldi á www.eyjar.net

Athugasemdir

[Kjartan Vídó, 5.3.2007 kl. 15:42]

Samkvæmt mínum heimildum sem koma úr nokkrum áttum þá var Vaktin prentuð í Reykjavík í síðustu viku. Ein af mínum heimildum gaf mér það upp að Vaktin hafi komið með Herjólfi. Ég stend við það sem ég skrifaði varðandi þessa prentun á höfuðborgarsvæðinu og einnig hef ég leiðrétt skrif mín varðandi www.eyjar.net en þar fór ég rangt með eignarhaldið á því léni. 

En Hanna Birna þú veist kannski afhverju Vaktin var prentuð á höfuðborgarsvæðinu? 

[Kjartan Vídó, 6.3.2007 kl. 09:35]

Þær upplýsingar sem ég hef fengið benda til þess að Eyjasýn telji það hagkvæmara að prenta blaðið á höfuðborgarsvæðinu. Blaðið Vaktin hefur á mínu mati verið vel sett upp og er flott í alla staði og allar myndir í lit annað en Fréttir sem enn er með svarthvítarmyndir. Ef að Eyjaprent treystir sér ekki að prenta blaðið í þeim gæðum sem að Eyrún prentaði það þá finnst mér það samt enn skrýtið að flytja prentun þess á höfuðborgarsvæðið. Vel má vera að þetta sé tímabundin ráðstöfun en síðasta blað var ekki prentað í eyjum, spennandi verður að sjá hvað gerist í þessari viku. 

En kæra Hanna Birna þetta eru þær upplýsingar sem ég hef undir höndnunum, ég er ekki á neinn hátt að gagrýna Jóhann Inga sem hefur gefið út þetta blað með miklum sóma. Sá aðili sem ég gagnrýni er Arnar Sigurmundsson stjórnarformaður Eyjasýnar ehf, ef að það reynist rétt að blaðið verði í framtíðinni á höfuðborgarsvæðinu þá finnst mér það skrítið af  kjörnum fulltrúa Vestmannaeyjabæjar að ná ekki að landa málinum betur en það.

En svona er stundum lífið.......

Enn og aftur óska ég eftir upplýsingum frá þér ef að þú telur skrif mín byggjast á röngum upplýsingum frá mínum heimildarmönnum og konum. Þú þekkir sjálfsagt málið betur en ég.