Góðar fréttir frá eyjum.

Það eru ánægulegar fréttir sem berast frá Vestmannaeyjum í dag. Á baksíðu Morgunblaðsins er fjallað um fjárfestingu Magnúsar Kristinssonar hjá Berg Huginn ehf. og Þórður Rafns Sigurðssonar hjá DalaRafni ehf.
Í síðustu viku bárust þær fréttir að Rabbi á DalaRafn hefði selt Stíganda bát sinn og hugsaði ég með mér að núna væri verið að leggja enn einum bátnum og einhverjir myndu missa vinnuna. En í gær skrifaði Rabbi undir samning við skipasmíðastöð í Póllandi um smíði á nýju skipi sem væntanlega fær nafnið DalaRafn VE. Það ánægulegasta við þessar fréttir er að gamli DalaRafn verður gerður út af Stíganda.
Í gær voru einnig merk tímamót hjá Magga Kristinns og fjölskyldu þegar tveimur nýjum bátum í þeirra eigu voru gefin nöfn Vestmannaey og Bergey. Fjölskyldan á fyrir Vestmannaey og Smáey. Vestmannaey hefur núna verið lagt á meðan beðið er eftir nýja skipinu og ég hef ekki heimildir um það hvað verður af Smáey þegar Bergey kemur til landsins.
Þessir tveir útgerðamenn hafa með þessu fjárfest í nýjum skipum og varanlegum kvóta fyrir 2.8 milljarða króna. Þessir menn hafa trú á Vestmannaeyjum sem samfélagi og því leggjast þeir í þessa fjárfestingu. Á síðasta ári fékk Ísfélagið nýtt skip sem ber nafnið Guðmundur, útgerðafélagið Ufsaberg á von á nýju skipi á þessu ári. Þessar fréttir eru þær best sem komið hafa frá eyjum í langan tíma. Við skulum vona að þetta sé byrjunin á einhverju stærra og betra fyrir samfélagið í suðri sem hefur haft það miklu betra.

Hérna fyrir neðan eru tenglar á þessar fréttir:
http://www.sudurland.is/Eyjafrettir.asp?View=Article&ID=6293
http://www.sudurland.is/Eyjafrettir.asp?View=Article&ID=6294

Bretar eru snillingar.

Fyrir nokkrum blogum síðan þá blogaði ég um breskar konur. Í skoðannakönnun eru þær sagðar taka farsímann framyfir kynlífið. Núna toppar bretarnir allt með nýrri skoðannakönnun. Nú berast fréttir frá Bretlandi að eftirlaunaþegar þar í landi taki internetið fram yfir garðrækt. Ég verð að segja það að ég tek netið langt fram yfir garðrækt. En má búast við því á næstu árum að fallegir garðar í Bretlandi verði arfavaxnir á meðan eigandinn er að surfa á netinu.

Breskir eftirlaunaþegar taka netið fram yfir garðræktina

Sturlaður Böðvarsson!!!

Getur einhver hér kommenterað á það afhverju Sturla Böðvarsson er ráðherra, ég er sjálfstæðismaður og skil það engan veginn hvað fyrrverandi formaður og núverandi formaður sjá við þennan blessa mann. Hann hefði aldrei átt að vera ráðherra.

Lesið eftirfarandi fréttir á www.spolur.is það skal engin segja mér að Sturla hafi ekki tekið upp tólið og haft samband við Vegagerðina þegar þessir samningar við hið góða fyrirtæki Spöl voru gerðir.l
Samið um fyrstu skrefin að tvöföldun á Kjalarnesi og undir Hvalfirði
Um fögnuð ritstjóra og ,,óbreytt veggjald"

Og svo lesið þetta:
http://www.sudurland.is/Eyjafrettir.asp?View=Article&ID=6289  er núna er hægt að hafa samband við vegagerðina, NEI það má ekki Sturla segir það megi ekki!!!!!!

Ég er ekki og hef aldrei verið fylgjandi því að sé verið að spandera með skattfé borgana en hjá Sturla er það þannig að Suðurlandið er alltaf útundan hjá honum. Á meðan ekki eru einkaaðilar sem sjá til þess að vegagerð í landinu sé til sóma þá verður hið opinbera að standa sig. Suðurlandsvegur er stórhættulegur og hann þarf að laga,  Guð blessi Sjóvá fyrir sínar áætlanir í þeim efnum. Svo ætlar Sturla að gera "frábært" ferjulægi við Bakka. Það verður gaman að keyra þangað á vetrarmánuðum í hálku og skafrenningi í tvo tíma til þess að taka Herjólf.
Ég bið góðan Guð að forða okkur frá því að hann verði ráðherra á næsta kjörtímabili. Maður er hættur að brosa yfir ruglinu í þessum manni, maður er orðinn nokkuð reiður.

Ingibjörg Sólrún, ég elska þig!!!!

Það er magnað að fylgjast með því hvernig hver skoðannakönnunnin á fætur öðrum er að mæla Samfylkinguna með minna og minna fylgi. En það sem er að drepa þennan blessaða flokk er auðvitað Ingibjörg Sólrun. Þessi elska talaði niður til sinna samstarfsmanna í þingflokknum á fundi í Keflavík og sagði að þeim væri ekki treystandi, sem er rétt. En rétt fyrir þessi ummæli hafði Samfylkingin klárað öll sín prófkjör og þar varð lítil sem engin endurnýjun fyrir komandi kosningar. Og þess vegna má segja að Samfylkingin ætli að bjóða aftur upp þá  frambjóðendur sem formaðurinn treystir ekki. Hvað er hægt annað en að elska svona konu eins og Ingibjörgu, hún drap R-listann og núna er hún að drepa Samfylkinguna. Ingibjörg þú ert best!!!!!!

Vinstri grænir mælast með 21% fylgi í nýrri Gallupkönnun

Er þetta næst síðasti leikur Óla Stef?

Það er stutt í leik Íslands á móti Rússlandi um það hvort liðið leikur
um 5.sætið á HM í Þýskalandi. Strákarnir hafa spilað frábærlega á þessu
móti. En ég er hræddur um að þeir séu orðnir frekar þreyttir í
líkamanum enda erfitt að spila þessa leiki á svona fáum dögum. En það
sem ég hræddastur um er það að þetta verði næst síðasti leikur Óla Stef
með landsliðinu. Hann er búinn að spila í mörg ár og mig grunar að
þetta verði hans síðasta stórmót og hann hætti eftir leikinn um sæti.
Hann hefur spilað frábærlega á þessu móti, hann er meiddur á öxl en
alltaf gefur hann sig 100% í allt sem hann gerir. Ég held að hann sé
þannig persóna að hvað sem hann gerir gerir hann vel og alltaf 100%. En
vonandi náum við að klára rússana í kvöld og spila svo um 5-6.sætið í
framhaldinu. GANGI YKKUR VEL....

Arnór fyrir Einar, Róland reynir, Snorri slappur

Med stillad neb

Mikið svakalega er ég ánægður fyrir hönd Aniston að hún sé búin að eignast góðan svefn. Það skiptir öllu að sofa vel. Ég óska Aniston hjartanlega til hamingju með það að hún geti sofið vært núna. Ég vona bara hennar vegna að hún verði skárri leikari við þetta.

Aniston segist sofa vel eftir nefaðgerð

Fangaverðir segja upp störfum.

Í fréttum í gærkvöldi var fjallað um það að stórhluti fangavarða á Íslandi væri búinn að senda Fangelsismálastjórn uppsagnarbréf. Þessi blessaða starfstétt er víst eitthvað óhress með launin sín og ekkert að því að þeir séu ósáttir með þau. En í gærkvöldi var líka frétt sem fjallaði um það að einhverjir ógæfukrakkar sem voru úrskurðuð í gæsuvarðhald  fyrr um daginn og voru vistuð í fangelsinu á Akureyri hefði strokið þaðan og voru handtekin aftur á leið sinni til Reykavíkur. Mér finnst þessi frétt um strokufangana eitt besta innlegg inn í þessar kjaraviðræður fangavarða og ríkissins.
Það væri þá ekki að á endanum væri hægt að búa til íslenskan Prison Break þátt sem sýndir yrði á Skjá Einum eða Sirkus.

Að skipta um lið.

Núna þegar það virðist vera í tísku að skipta um "lið" í stjórnmálum þá er gaman að skoða nokkur nöfn sem hafa skipt um "lið". Ég er flokksbundinn Sjálfstæðismaður og hef afrekað það að segja mig úr flokknum einu sinni en ég skipti ekki um "lið".

 Hérna eru nokkrir þingmenn sem ég mundi eftir að hafa skipt um "lið".
Ólafur Ragnar Grímsson sat í miðstjórn Framsóknarflokksins 1967-1974 og varð síðar formaður Alþýðubandalagsins.
Össur Skarphéðinsson sat í miðstjórn Alþýðubandalagsins 1985-87 og var ritstjóri Þjóðviljans 1984-87 og síðar formaður Samfylkingarinnar, mig minnir að hann hafi líka einhvern tímann verið í Framsóknarflokknum.
Albert Guðmundsson þingmaður og ráðherra Sjálfstæðisflokksins og svo þingmaður fyrir Borgaraflokkinn.
Guðjón Arnar Kristjánsson varaþingmaður Sjálfstæðisflokksins og síðar þingmaður og formaður Frjálslyndaflokksins.
Kristinn H. Gunnarsson þingmaður Alþýðubandalags, utan flokka, Framsóknarflokksins og svo stefnir allt í að hann fari til Frjálslynda.
Gunnar Örlygsson Skipti úr Frjálslyndaflokknum í Sjálfstæðisflokkinn eftir að hann tapaði í varaformannskjöri í Frjálslyndaflokknum.

Það eru ábygglilega fleiri snillingar sem hafa skipt um lið. Í þessari talningu á ég ekki við félagaskipti eins og þegar Samfylkingin varð til úr sínum gömlu vinstri flokkum.

Margrét Sverrisdóttir

Það var alveg magnað að fylgjast með beinni útsendingu RÚV frá fundarstað Margrétar Sverrisdóttur í gærkvöldi. Ég hef aldrei skilið hvað það er svona merkilegt við Margréti Sverrisdóttur og hvað athygli hún fær endalaust í fjölmiðlum. Það er talað um hana eins og um mikinn og merkan stjórmálamann sé að ræða. Hún var framkvæmdastjóri minnsta stjórmálaflokks landssins og varaborgarfulltrúi í Reykjavík. Það hafa verið til stærri stjórnmálamenn á landinu en hún.