Róttæklingar að gefast upp...

Ég hef lengi kíkt af og til inn á múrinn til þess að lesa aðeins um hugsanir róttæklinga á vinstri síðunni. Ég held að mér hafi ekki tekist ennþá að finna einhvern pistil þarna sem að ég gat verið algjörlega sammála enda var það heldur ekki markmið heimsókna minna þangað. Þarna skrifuðu góður pennar og var gaman að lesa efnið frá þeim flestum. En svo bregðast krosstré sem önnur tré núna ætla róttæklingarnir að hætta að skrifa á múrinn og við það féll hinn íslenski múr.

Múrinn lagður niður

Saga VSV

Saga Vinnslustöðvarinnar er merkileg fyrir margar sakir, þarna vann jú Gjallarhornið eitt sinn og jók það gríðarlega vermæti fyrirtækinsins. Einnig störfuðu Bubbi Mortens og Tolli hjá VSV og myndin Nýtt Líf er tekin upp á verbúð VSV og Dúddi Múr (Lundi Verkstjóri) starfaði hjá VSV þar til fyrir nokkrum árum sem múrari fyrirtækissins.

Hérna koma nokkrir skemmtilegir molar úr sögur VSV af heimasíður fyrirtækinsins www.vsv.is Feitleitranir eru frá Gjallarhorninu komnar.

"
1953 byggði félagið stórt og myndarlegt hús við Strandveg, Hvíta húsið, þar sem matstofa var rekin á jarðhæð en skrifstofur voru á efri hæðunum. Skrifstofa félagsins hafði fram til þess einnig verið í húsi Ársæls Sveinssonar. Nýja matstofan var í stóru, björtu og rúmgóðu húsnæði á jarðhæð og var húsnæðið fljótlega eftirsótt til  margvíslegrar starfsemi  utan vertíðar. Má þar nefna að Marinó Guðmundsson fékk þar oft inni fyrir húsgagna- og teppasýningar, Verkakvennafélagið Snót hélt þar matreiðslunámskeið fyrir félagskonur og Taflfélag Vestmannaeyja fékk húsnæðið fyrir taflkeppni eins og það er bókað í bækur félagsins. Frá árinu 1966 hafa síðan aðrar veitingar verið á boðstólum á jarðhæð Hvíta hússins, því það ár seldi Vinnslustöðin hana til ÁTVR. Árið 1995 voru svo tvær efri hæðir hússins seldar Háskóla Íslands og Vestmannaeyjabæ og hýsa nú rannsóknasetur Háskólans."

 "Sem dæmi má nefna að á stjórnarfundi 15. desember 1948 var ákveðið að kanna nánar um lagningu olíuleiðslu frá Olíusamlaginu að frystihúsi félagsins og  þremur mönnum var falið að athuga tilboð frá Guðlaugi Gíslasyni um leigu eða sölu á ársgömlum bíl, 5 tonna Austin"

"Í ágúst 1950 lá fyrir stjórninni bréf frá Árna Friðrikssyni fiskifræðingi þar sem hann óskaði eftir að Vinnslustöðin eða aðrir aðilar í Vestmannaeyjum legðu fram kr. 5.000 til rannsóknar og athugunar á að koma hér upp sjóbúri og taldi hann líkur til að þetta búr yrði byggt hér og kostað af fleiri þjóðum. Stjórnarmenn Vinnslustöðvarinnar voru jákvæðir fyrir nýjungum sem þessum og var samþykkt að veita Árna umbeðinn styrk en engar frekari sögur fara svo af þessari hugmynd um eldi fisks í sjóbúrum. Mánuði síðar var fært til bókar hjá stjórninni að fyrirtækinu hafi áskotnast 500 dósir af niðursoðnum ávöxtum án þess sé getið hvernig þessi fengur var tilkominn. Ákvað stjórnin úthlutun fengsins á þann veg að deilt var 12 dósum á hvern bát félagsmanna án þess að reikna bátunum andvirðið. Niðursoðnir ávextir, að maður tali nú ekki um löðrandi í þeyttum rjóma, voru ekki algengar krásir á þessum tíma."

 

„Græðgistilboð" í Vinnslustöðina veldur kvíða í Eyjum

Eitt veiðiráð og eitt verndarráð...

Er það rétt leið hjá Japönum að hóta stofnun á nýju Hvalveiðiráði? Í raun og veru er þetta gamla hvalveiðiráð ekkert annað en verndarráð í dag og hefur starfsemi þess breyst mikið síðustu árin frá því að ákveða hvóta til veiða yfir í verndun á hvalastofninum. Íslendingar sögðu sig úr Alþjóðahvalveiðiráðinu í kjölfar banns sem ráðið setti á veiðar á tegundum í hvalastofninum. Alþjóðahvalveiðiráðið starfar undir Sameinuðuþjóðunum og því má búast við því að tillögum Japana um stofnun á nýju ráð verði ekki vel tekið hjá hinum háu herrum í UN. En Alþjóðhvalveiðiráðið er sér mjög svo sérstök stofnun í ráðinu eru lönd eins og Austurríki og Sviss sem eiga ekki landamæri að sjó og geta ekki talist veiðiþjóðir, Ástralir hafa t.d. alltaf verið á móti hvalveiðum Norðmanna, Íslendinga og Japana en svo drepa þeir kengúrur úr þyrlum í þúsundavís á ári hverju. Brazilíumenn eru einnig mótfallnir veiðum þessara þjóða á meðan þeir eyða regnskógum út tonnavís. Bandaríkjamenn eru líklega sú þjóð í heiminum sem veiðir hvað mest af hvölum en samt sem áður eru Bandaríkjamenn mótfallnir hvalveiðum.
Ég held að þessi hótun Japana verði aldrei meira en orðin tóm en þetta er samt þess virði að skoða enda verksvið Alþjóðahvalveiðiráðsins breyst mikið síðustu ár.

Japanar hóta að stofna ný hvalveiðisamtök

Langt frá því líkur föður sínum...

Jú það má vel vera að í hegðum að Calum sé líkur föður sínum en í kvennamálum er hann ekkert líkur honum. Ég get alveg lofað því að Georg Best hefði aldrei verið með Lindsey Lohan.

Calum Best segist líkjast föður sínum

vel valið hjá þingflokki sjálfstæðismanna...

Ég er ánægður með val þingflokks sjálfstæðismanna á stjórn þingflokksins í dag. Ég þekki Illugi og Ástu Möller ágætlega og treysti ég þeim til allra góðra verka og er ég ánægður með val þeirra í þeirra embætti. Arnbjörgu þekki ég ekkert en hún hefur staðið sig ágætlega í þeim málum sem ég hef fylgst með. 

Illugi varaformaður þingflokks sjálfstæðismanna

Skelfilegar fréttir...

Það var fyrir nokkrum dögum að auglýsing var í Morgunblaðinu þar sem því var fagnað að aðeins tveir hefðu látið lífið á þessu ári í umferðaslysum og þá kemur svona frétt sem kippir okkur niður á jörðina. Þó svo að ég taki dæmu um þessa auglýsingu þar sem fjallað er um dauðaslys í umferðinni þá vona er það nú oft þannig að örkuml og meiðsli eftir umferðaslys eru æðimörg á ár og alvarleg. Það kemur fram í þessari frétt að tveir verða fluttir á sjúkrahús í Reykjavík og meiðsli þeirra eru alvarleg. Ég bið algóðan Guð að vera með öllum sem tengjast eða koma að þessu slysi á einn eða annan hátt.
Í lok síðasta árs lést gamall vinur og félagi í umferðaslysi, fyrir mig er of mikið að hafa misst einn vin og fyrir þjóðina er of mikið ef einn deyr. Frá því að Reykjanesvegur var tvöfaldaður þá hefur ekki orðið þar dauðaslys og það sýnir okkur mikilvægi þess að koma vegamálum á Íslandi í almennilegar horfur. Við eigum ekki að sætta okkur við að 25-30 láti lífið í umferðinni á ári.

Þyrla kölluð til vegna slyss á Suðurlandsvegi

Mikil endurnýjun..

Við síðustu kosningar var ákveðin endurnýjun á Alþingi en 24 þingmenn taka sæti á Alþingi og sýnist mér þessir nýju þingmenn vera einstaklingar sem ætti eftir að láta til sín taka og vera áberandi á þingi.
Ég ætla að fylgjast vel með störfum þessara nýju alþingismanna:
Guðfinna Bjarnadóttir Sjálfstæðisflokki
Kristján Þ. Júlíusson Sjálfstæðisflokki
Bjarni Harðarson Framsóknarflokki
Katrín Jakobsdóttir Vinstri Grænum
Gretar Mar Frjálslyndum ( vel þess virði að fylgjast með honum)
Jón Magnússon Frjálslyndum

Þetta er þannig karakterar að það verður spennandi að fylgjast með störfum þeirra, þetta eru ólíkir einstaklingar með ólíkan bakgrunn. 

Óvenjumargir taka nú sæti á Alþingi í fyrsta sinn

Litlu börnin leika sér....

það er alltaf jafn mikið fjör á Alþingi....

Stjórnarandstaðan á Alþingi byrsti sig á þingsetningarfundi

Þetta hljómar svo.....

virkilega óspennandi nema að fólk fái að ferðast um garðinn á fljúgandi kústum.

Harry Potter skemmtigarður í smíðum

Vel geymdur í forsetastólnum...

Ég hef mikla trú á Sturla sem forsetja Alþingis, hann er ágætlega geymdur þar enda getur hann lítið gert af sér í stólnum þar sem hann stjórnar umferðinni í Alþingissalnum.

PS:
Mætti ekki kalla Sturlu þá leikskólastjóra, því margir á Alþingi hafa sér oft eins og þeir séu á leikskóla?

Sturla kjörinn forseti Alþingis