Bjarni er drengur góður...

Bjarni hefur komið hvað mest á óvart af þeim þingmönnum sem komu nýjir inn á síðasta kjörtímabili, hann var með mörg erfið mál en hann skilaði öllu af sér með sóma. Það kæmi mér ekki á óvart ef að hann tæki við af frænda sínum Birni Bjarna í dóms- og kirkjumálaráðaneytinu á miðju tímabili. Að mínu mati hefur Bjarni bara einn galla og það er að hann er stjörnumaður.

Bjarni verður formaður utanríkismálanefndar

Eins gott að það fór ekki verr..

En ætli drengurinn fái bílprófið eitthvað seinna fyrir þetta lögbrot eða þarf einstaklingur að vera orðinn eitthvað ákveðið gamall til þess að geta fengið seinkun fyrir umferðalagabrot?

Þriggja ára ökumaður slapp ómeiddur úr ökuferð

Snillingar....

Ég held að allir eigi sér uppáhalds Bítlalag enda er þetta útbreiddasta hljómsveit sögunnar og er frægð þeirra Liverpool drengja hvergi lokið. Það eru ca 2-3 ár frá því ég fór að pæla betur í Bítlunum og núna á ég næstum allt Bítlasafnið í iPotinu mínum og hlusta ég á þá í ræktinni og oft sofna ég við tónlistina þeirra. Abbey Road er í miklu uppáhaldi hjá mér og svo Live at BBC. Annars er það nú bara þannig að 99.9% laga Bítlana eru frábær. Minn uppáhalds Bítill eru náttúrurlega Ringo Star hann er bara eitthvað svo spaugilegur í framan.

Svo í endan kemur ein saga af Viðari Togga einum mesta Bítla og John Lennon aðdáandi sem fyrir finnst og Viðar sagði eitt sinn svo frá að þegar hann frétti að John Lennon vinur hans hefði dáið um nóttina að hann hefði grátið svo mikið að hann hefði farið í þjóðarsorg.

40 ár frá útkomu Sgt. Pepper's

Þorgrím til Grænlands...

Hvernig væri að senda Þorgrím reykingabana til Grænlands, hann ætti alveg að geta skrifað einhverjar bækur þar á meðan hann slekkur í Grænlendingum.

70% Grænlendinga reykja

Hvað segir Ögmundur við þessu?

Þetta eru alveg skelfilegar fréttir fyrir Ögmund Jónasson sem vill reka bankana burt úr landinu. Ég er sammála Ögmundi að það er skelfilegt hvað bankarnir borga inn í samfélagið, 30 milljarðar á síðasta ári, það þarf að losa sig við svona fyrirtæki.

Laun í fjármálaþjónustu hækka mest

Magnafsláttur...

Það er greinilegt að fíkniefnasalar eru farnir að bjóða upp á magnafslátt af fíkniefnum en miðað við þessa frétt er það ástæða þess að einstaklingurinn var með þetta ákveðna magn sem lögreglan taldi of mikið til einkaneyslu. 

Undir áhrifum amfetamíns, ópíums og kannabis undir stýri

Hækka Eyjamenn ehf sitt tilboð?

Mig grunar að ástæðan á bak við tilboð Stillu ehf sé að þeir ætli sér að selja og vilja reyna að fá hærra verð fyrir sinn hlut, með því að bjóða þessa miklu hærra en Eyjamenn ehf eykst pressan á eyjamenn ehf að bjóða betur. En það má ekki gleyma því að Eyjamenn ehf eiga 50.4% í félaginu og það dugir þeim.

Leggja fram 85% hærra tilboð í Vinnslustöðina en heimamenn

Er verið að stinga sleikjó upp í grátandi barn?

Mig grunar að þarna sé verið að sætta Gunnar eftir að hann fékk ekki ráðherrastól hjá Ingibjörgu, hann hefur náð góðum árangri í Hafnarfirði og vann glæsilega prófkjör Samfylkingar í kraganum og fór fram fyrir tvo sitjandi þingmenn. Hann var víst eitthvað sár að hafa ekki fengið stól og því fær hann fjárlaganefndina. Ég bjóst t.d. ekki við því að Ágúst Ólafur fengi hana, það er gott hjá Samfylkingunni að dreifa þessum völdum sínum á sem flesta, óþarfi að dreyfa þessu á eina fjölskyldu eins og hjá Sjálfstæðisflokknum

Gunnar verður formaður fjárlaganefndar

Hvað gerist í eyjum?

Það verður spennandi að sjá hvað gerist núna þegar Brimararnir ætla að taka yfir Vinnslustöðina. Vinnslustöðin er annar af máttarstólpum Vestmannaeyjabæjar og því mikilvægur hlekkur fyrir bæjarfélagið. Mig grunar að það verði hart barist um Vinnsló enda gott fyrirtæki með Kobba Möller, Adda í London og Þór Villhjálms sem verkstjóra. Mig grunar að ástæða fyrir þessari hækkun er sú að Kobbi Möller gaf það út að hann ætlaði að vinna í Vinnsló í hið minnsta 10 ár í viðbót.

Ólíklegt að aðilar í Eyjamönnum ehf. taki tilboði í Vinnslustöðvarbréf

Góður endir á sögunni...

mbl.is skrifað að sögunni endalausu um Owen Hargreaves sé lokið, en það er ekki rétt, fyrsta kafla var að ljúka og nú tekur við góðir kaflar með fullt af titlum sem leikmaður Man Utd. Vertu velkominn Hargreaves þó að það sé sárt að þú farir frá Bayern þá er Man Utd betra lið.

Man.Utd. og Bayern München hafa náð samningi um Hargreaves