Ingibjörg Sólrún, ég elska þig!!!!

Það er magnað að fylgjast með því hvernig hver skoðannakönnunnin á fætur öðrum er að mæla Samfylkinguna með minna og minna fylgi. En það sem er að drepa þennan blessaða flokk er auðvitað Ingibjörg Sólrun. Þessi elska talaði niður til sinna samstarfsmanna í þingflokknum á fundi í Keflavík og sagði að þeim væri ekki treystandi, sem er rétt. En rétt fyrir þessi ummæli hafði Samfylkingin klárað öll sín prófkjör og þar varð lítil sem engin endurnýjun fyrir komandi kosningar. Og þess vegna má segja að Samfylkingin ætli að bjóða aftur upp þá  frambjóðendur sem formaðurinn treystir ekki. Hvað er hægt annað en að elska svona konu eins og Ingibjörgu, hún drap R-listann og núna er hún að drepa Samfylkinguna. Ingibjörg þú ert best!!!!!!

Vinstri grænir mælast með 21% fylgi í nýrri Gallupkönnun

Bensínlausur í Þýskalandi.

Jæja þá er það staðreynt að við spilum um 7-8.sætið á HM í Þýskalandi.
Ég verð að segja að ég er ánægður með árangurinn hjá strákunum. Þeir
spiluðu marga leiki á fáum dögum og það sýndi sig í dag að liðið var
bensínlaust. Danaleikurinn tók greinilega sinn toll hjá þeim. En við
eigum að vera stollt af strákunum þeir gáfu sig allir í verkefnið. Það
verður erfitt fyrir næsta landsliðsþjálfara að reyna að ná þessu
frábæra árangri sem að Alfreð náði. Nú er einn leikur eftir á
laugardaginn, við klárum hann og endum þetta mót í 7.sæti. Takk fyrir
mig strákar!!!!

Íslendingar leika um 7. sætið eftir tap fyrir Rússum

Árni Johnsen í þýska sjónvarpinu.

Ég ætlaði að fara að athuga hvort ég gæti fundið útsendingu af Ísland -
Rússland á einhverri þýskri sjónvarpstöð þegar ég sé Árna Johnsen
syngja spila á gítar í Höfðabóli. Þá er þetta einhver þáttur sem heitir
Lundi, Tröll og Menn og er sýndur á ARTE. Þetta gleður eyjamann í
Salzburg að sjá eyjarnar fögru enda fallegast staður í heimi. 

Er þetta næst síðasti leikur Óla Stef?

Það er stutt í leik Íslands á móti Rússlandi um það hvort liðið leikur
um 5.sætið á HM í Þýskalandi. Strákarnir hafa spilað frábærlega á þessu
móti. En ég er hræddur um að þeir séu orðnir frekar þreyttir í
líkamanum enda erfitt að spila þessa leiki á svona fáum dögum. En það
sem ég hræddastur um er það að þetta verði næst síðasti leikur Óla Stef
með landsliðinu. Hann er búinn að spila í mörg ár og mig grunar að
þetta verði hans síðasta stórmót og hann hætti eftir leikinn um sæti.
Hann hefur spilað frábærlega á þessu móti, hann er meiddur á öxl en
alltaf gefur hann sig 100% í allt sem hann gerir. Ég held að hann sé
þannig persóna að hvað sem hann gerir gerir hann vel og alltaf 100%. En
vonandi náum við að klára rússana í kvöld og spila svo um 5-6.sætið í
framhaldinu. GANGI YKKUR VEL....

Arnór fyrir Einar, Róland reynir, Snorri slappur

Eru breskir karlmenn lélegir í rúminu?

Ég verð að segja það að gjallarhornið er orðlaust, er það virkilegt að fjórða hver kona vill frekar vera án kynlífs en farsímans síns. Farsíminn hefur þróast hratt frá því að snake var eini leikurinn og skjárinn var svarthvítur en að farsíminn sé betri en kynlíf það segir ýmislegt um þessa blessuðu bresku karlmenn. Ég er líka alveg viss að ef að karlmenn í Bretlandi væru spurðir úti í enska boltann og kynlíf þá væri fótboltinn nr 1. En miðað við þessa niðurstöðu þá ætti bresku símafélögin að heyra á markaðsetningu handa stelpunum þarna úti þær greinilega ELSKA farsíma.

Farsíminn mikilvægari en ástarlífið

Med stillad neb

Mikið svakalega er ég ánægður fyrir hönd Aniston að hún sé búin að eignast góðan svefn. Það skiptir öllu að sofa vel. Ég óska Aniston hjartanlega til hamingju með það að hún geti sofið vært núna. Ég vona bara hennar vegna að hún verði skárri leikari við þetta.

Aniston segist sofa vel eftir nefaðgerð

Er það þessi sem spilar bridge við Gates?

Það er svakalegt að heyra að tölvuleikir geti tekið stjórnina yfir lífi einstaklings eins og þessi frétt hér að neðan segir okkur. Fyrir nokkuð mörgum árum þá spiluðum við félagarnir Championship Manager samfleitt yfir 30 tíma. Eftir það maraþon hef ég lítið spilað þann leik og aðra leiki. Spurningin að láta þessa krakka spila leikinn í tvo sólarhringa samfleitt þar til þau fá ógeð af leiknum og á endanum hætta þau.

Tölvufíkill trylltist

Hvar má ég syngja?

Þessi blessuðu stefgjöld eru svo fáranleg að maður skilur ekkert í þeim sem áttu hugmyndina að þessum óskapnaði. En ég held samt að þessi dómur í Héraðsdómi Suðurlands sé fáranlegri en þessi stefgjöld. Ég þykist vita að þessi verslun sem að lendir í þessi sé hin magnaða Vöruval sem staðsett er í kúluhúsinu í eyjum. Ég hef komið inn á þessa kaffistofu og ég get vottað það að hún er líklega ein sú minnsta sem fyrir finnst á Íslandi, og það segir okkur að þetta útvarpstæki sem það var staðsett getur ekki með nokkru móti náð að hljóma um alla búð nema að útvarpstækið sé stærra en kaffistofan. Ég hef aldrei orðið var við tónlist þarna inni í þau skipti sem ég hef verslað þarna. Kaupmaðurinn er svo dæmdur til að greiða 23.216 krónur í STEF-gjöld auk dráttarvaxta og 150 þúsund króna í málskostnað, það má gera ráð fyrir því að mjólkin hækki í eyjum á morgun ásamt fargjaldinu í Herjólf.
En það er eitt mig mig langar að fá svar við. Ég á það til að raula með lögum sem ég er að hlusta á t.d. í bílnum eða þegar ég er á ferð með spilastokkinn (iPot) minn. Er hægt að rukka mig ef að ég er t.d. að syngja Lífið er yndislegt sem er eitt besta þjóðhátíðarlag sem samið hefur verið. Ég viðurkenni það hér að ég söng það nokkuð oft í Magdeburg þegar við vorum að vinna Frakka þannig að ég skulda ábyggilega stefgjöld fyrir það. Eða er kannski best fyrir mig bara að hætta að syngja?
Einnig tel ég þeir hjá Stef þurfi að komast að því hver samdi Ísland klapp klapp klapp Ísland klapp klapp klapp sem öskrað er á öllum landsleikjum í íþróttum. Sá einstaklingur ætti að eiga nokkrar krónur inni hjá stef.

Sannað að viðskiptavinir í verslun heyrðu í útvarpi á kaffistofu

Hinn breski Einar áttavilti skiptir um lið!

Miðað við fyrirsögnina þá á Duberry í viðræðum við Wigan en fréttin segir að hann sé þessa stundina í samningaviðræðum við Reading. Er þetta Einar áttavilti þeirra breta að skipta um lið?

Svona er fréttin á mbl.is 

Duberry í viðræðum við Wigan

Michael Duberry, fyrirliði Stoke, á þessa stundina í samningsviðræðum við Reading. Í samningi hans við Stoke er klásúla sem gerir honum kleift að fara til liðs í úrvalsdeild fyrir ákveðna upphæð.

Duberry í viðræðum við Reading

Lambið fær heimþrá..

Ein albesta knattspyrnukona landsins Margrét Lára Viðarsdóttir er á heimleið eftir að hafa spilað síðustu misseri með þýska úrvalsdeildarliðinu Duisburg. Samkvæmt heimildum www.visir.is þá á Margrét að hafa verið með mikla heimþrá sem endaði með því að hún rifti samningnum sínum við liðið. Ég verð að segja það þar sem ég þekki hennar fjölskyldu ágætlega þá skil ég þessa heimþrá vel ef að hún er til staðar. Amma Margrétar hún amma Maggý sem kallar Margréti sína alltaf lambið sitt er kona sem auðvelt er að sakna, svo ekki sé talað um bróðir Margréti Dr. Bjarna Geir. Ég skil þessa heimþrá og finnst hún bara flott

Margrét Lára hætt hjá Duisburg