Hvað er kynleiðrétting?

Hvaða nýyrði er þetta kynleiðrétting? Hefur ekki alltaf verið talað um kynskiptiaðgerð, og hvernig er hægt að leiðrétta kyn. Við fæðumst eitthvað ákveðið og það er ekkert hægt að leiðrétta það en það er hægt að skipta um kyn en í því fellst varla leiðrétting.

Tvær kynleiðréttingaraðgerðir gerðar hér á landi

Þetta fer illa..........

Mig grunar að ástandið á milli Palestínumanna og Ísraela muni bara versna við þetta. Haniyeh segir að Palestínumenn hafi rétt til þess að verjast hersetu Ísraela og svo ætlar hann einnig að vinna að áframahaldandi vopnahléi milli Ísraels og Palestínu. Ég veit ekki hvernig hann ætlar að fara að því að framkvæma þetta tvennt en mig grunar að það sem gerist og það er að þetta kosti nokkur mannslíf á báðum endum. Ástandið þarna er skelfilegt og þetta lagar það líklega ekki.

Haniyeh: „Sjálfstætt ríki Palestínu á svæðunum sem hernumin voru 1967"

Glæsilegur árangur...

Það verður gaman að fylgjast með áframhaldandi sigurför þeirra Garðars
og Einars Bárða í hinum stóra tónlistarheimi. Hæfileikar Garðars eru
miklir og hefur þessi samvinna hans og Einars komið honum á
kortið.  Það verður spennandi að fylgjast með þeim félögunum í
framtíðinni.

Garðar Thor Cortes vekur athygli á Englandi

Gerði Hæstiréttur rétt....

Ég horfði á Kastljósið í gærkvöldi þar sem Helgi Seljan fjallaði um
þetta mál með KR-ingunum Agli Helgasyni og Örnu Schram. Mér fannst þau
öll vera á því að Hæsturéttur hafi þarna gert mikil mistök með því að
vísa þessari ákæru frá. Ég ber mikið traust til Hæstaréttar og ég verð
að segja að ég held að Hæstiréttur sé bara að dæma miðað við þau lög
sem að Alþingi setur og þessi málsmeðferð byggðist á. Miðað við
viðbrögð stjórnmálamanna við niðurstöðu hérðaðsdóms þá var strax
fjallað um að breyta þyrfti lögunum þannig að einstaklingar geti verið
ábyrgur fyrir þeirri vinnu sem þeir sinna í sinni vinnu. En það sem mig
langar að fá svör við er það að ef að strætóbílstjóri keyrir of hratt
og missir ökuleyfið getur hann sagt að hann hafi ekki verið að keyra
heldur Strætó BS sem hann vinnur hjá?

Mikill léttir

hahah þetta er svín....

Ég gat ekki annað en brosað örlítið út í annað þegar dóttir mín sagði í
morgun þegar ég var að lesa mbl.is "haha þetta er svín". Ég sprakk út
hlátri af því ég var að lesa frétt um Ingibjörgu Sólrúnu og fylgdi mynd
af Ingibjörgu fréttinni. Ég sjálfstæðismaðurinn hafði auðvitað húmor
fyrir þessu en sem góður uppalandi sagði dóttir minni að svona segði
maður ekki um fólk en þá benti hún á síðuna og þar var auglýsing frá
Bónus og þar var auðvitað svínið þeirra.

Samúð með heyrnalausum....

Ég held að vinurinn minn og félagi Sigurður Kári hafi ekki valið rétt
orðalag þegar hann sagði í viðtali að menntamálanefnd hefði haft samúð
með málstað heyrnalausra. Umælin voru sögð vegna þess að frumvarp sem
Sígurlín Margrét flutti á Alþingi. Elsku besti Siggi minn heyrnalausir
þurfa ekki samúð þeir þurfa full mannréttindi. 

Skál fyrir því...

Gjallarhornið er ánægt með Guðlaug Þór í dag og fær hann plús í pyslu enda fyrir þetta. Ég segi bara það var mikið að þetta mál fór í gegn og það er eins gott að það fari alla leið. Skál í boðinu og í Hagkaup.

Allsherjarnefnd afgreiddi frumvarp um afnám einkasölu ríkisins á léttvíni

Ich bin Vido Olafsson...........

Gjallarhornið hefur ráðið sig í smá vinnu hérna í Salzburg hjá fyrirtæki sem sér um þjónustustörf á stórum ráðstefnum hér í borg. Á miðvikudaginn var fyrsti dagurinn hjá mér og þjónaði ég á 1500 manna læknaráðstefni um Alzeimer og Parkinson. Það sem bjargaði mér að flest allir gestirnir eru enskumælandi þannig að þýskukunnáttan mín varð ekki vandræðaleg gagnvart gestunum. En samstarfsfólk mitt brosti líklega oft út í annað þegar ég var að reyna að tjá mig við þau en það er ekki mér að kenna ef að þetta fólk skilur ekki sitt eigið tungumál.
Þar sem nafnið mitt Kjartan er ekki það auðveldasta fyrir útlendinga að segja þá hef ég tekið þann pól í hæðina að láta kalla mig Vidó og er ég kallaður Vídó í vinnunni og á handboltaæfingum. En það sem ég hræddastur við er að Mannanafnanefnd frétti af þessu og ég fái á mig útgefna kæru. Ég sótti um að fá að bera Vídó sem millinafn fyrir nokkrum árum og var mér formlega hafnað af Mannanafnanefnd þannig að ég er í raun og veru að brjóta af mér með þessu. En hvað með það ég læt ekki einhverja nefnd segja mér fyrir verkum og ER og VERÐ alltaf VÍDÓ...

Nr 113 á blog.is

vinsælustu bloggarar á blog.is

Á þessum lista má sjá að Gjallarhornið er í 113 sæti yfir vinsælustu bloggin síðustu 7 dagana. Stefnan verður sett hærra á næstu vikum. Hef að vísu sett mér þá stefnu að samþykkja aðeins þá blogvini sem ég þekki persónulega og eru það vinir, ættingar eða kunningjar úr stjórnmálunum. Sá eini sem sleppur hjá mér inn án þess ég þekki viðkomandi er Bjarni Harðarson en hann er minn uppáhalds framsóknarmaður. 

DJ Júlíus Hafstein partýkóngur Íslands sér um stuðið.....

Mig grunar sterklega að Júlíus Hafstein verður ráðinn til þess að halda þetta partý fyrir ríkið. Davíð sá alltaf um að Júlíus hefði eitt gott partý til að sjá um þegar Davíð var við völd og núna er það Geir sem getur ekki annað en beðið DJ Júlla Haf að sjá um afmæli Jóns forseta. Það er ekki gott partý nema að DJ Júlli Haf sjá um stuðið.

Á von á að þingi ljúki á laugardag