Hver stefnir Simbabve?

Ég held að þeir stefni til helvítis og að ástandið þarna lagast ekkert í bráð.

Lögreglan í Simbabve sökuð um að berja stjórnarandstæðinga

Að taka lán fyrir læknisheimsókn...

Hausverkur er slæmur og hausverkur í 64 ár er virkilega slæmur. Ótrúlegt að konan skuli hafa lifað með kúlunni í öll þessi ár án þess að sýking skyldi myndast og drepa konuna.
Spaugilegu hlutirnir í þessari frétt er að það kemur fram að kúlan sé líklega Japönsk og að aðstandendur hafi tekið lán fyrir rannsóknum á konunni, þeir fá vonandi ekki hausverk af því að borga lánið.

Höfuðverkurinn læknaður eftir 64 ár

Bönnum rauðhærða, vinstrimenn og örfætta...

Hleypum ekki minnihlutahópum inn á pöbbana á Íslandi, höfum alla eins og það verður ekkert vesen.

Áströlsk krá meinar gagnkynhneigðum inngöngu

Góðmennskan uppmáluð hjá Írunum...

Það er naumast hvað Íranir ætla að vera góðir við nágrannaríki sín og aðstoða þau öll við það að framleiða kjarnavopn og kalla þetta þróun á kjarnorkutækni til friðsamlegra nota. Ég treysti þeim ekki og ég brosi ekki einu sinni yfir þessum slappa brandara þeirra.

Íranar bjóðast til þess að aðstoða nágrannaríki sín við kjarnorkuþróun

Ein með öllu og meira til...

Hvernig getur einstaklingur borðar allan þennan fjölda á svo skömmum tíma og drukkið eitthvað af gosi með. Ég er mikill áhugamaður um pulsur og reyni ég að fá mér pulsur á hverjum stað sem ég heimsæki. Að mínu mati eru pulsur með chillisósu í Bandaríkjunum þær bestu hingað til, einnig eru góðar pulsur á Strikinu en uppáhalds pulsusalinn minn er hérna í Salzburg. Þangað kíki ég reglulega c.a. 2-3 í viku og fæ ég mér oftast ostapulsu eða Salzburger. Þangað fer ég með alla gesti sem koma hingað og býð þeim upp á það besta sem pulsusalinn hefur upp á að bjóða. Eitt sinn borðaði ég þrjár ostapulsur og það líklega á 15 mínútum og var ég að drepast úr seddu á eftir þannig að ég skili ekki hvernig hægt er að borða 36 pulsur á 12 mínútum. En ein með öllu er lang best alveg sama í hvaða landi það er, ég stefni að vera með bók um pulsur fyrir næstu jól.

Át 36 pylsur á 12 mínútum

Síða Björns Bjarnasonar með flensu...

Þegar ég ætlaði að skoða síðuna hans Björn áðan þá var ekkert inn á henni, allur texti horfinn og allt tómt. Síðan er greinilega með einhverja flensu.

 

Uppfært: Síðan hefur verið löguð

I love whales....

for dinner!!!
Það verður gaman að fylgjast með hvernig Bandaríkjamenn hafa sér á þessum ársfundi Alþjóðhvalveiðiráðsins í ár. Á fundinum á að úthluta kvóta vegna til frumbyggja sem njóta undanþágu frá banni á hvalaveiðum. En þessir frumbyggjar sem fá úthlutaðan kvóta á fimm ára fresti eru Grænlendingar, Bandaríkjamenn (Alaska), Indónesía, Kanada, frumbyggja við Karabíahafið og frumbyggjar í Rússlandi.
Það verður spennandi að fylgjast með þessum fundi í ár, ég held að það ætti að bjóða þessum þjóðum sem vilja ráða yfir okkar ákvarðanartöku upp á góða hrefnusteik með frönskum, salati, sósu og rauðvíni og þá væru þeir farnir að dansa við okkur innan skamms.

 

Norðmenn saka andstæðinga hvalveiða um hræsni

Sorgarsaga síðustu ára.....

Síðustu ár hafa verið flugfélaginu SAS erfið en þetta flugfélag er að stórum hluta í eigu ríkisstjórna Svía, Noregs og Danmerkur. Endalausar fréttir af verkföllum og óánægju starfsfólks SAS hefur komið fyrirtækinu illa og hafa þeir tapað miklum peningum og trausti almennings. Enn stendur yfir verkfall flugliða hjá fyrirtækinu í Svíþjóð og hefur þessir vinnustöðvun staðið yfir frá því á föstudaginn og tapið nálgast milljarðinn. Ég skil ekki í hinu opinbera í þessum þremur löndum að standa í þessum flugrekstri og endalaust tap og vesen er á þessu fyrirtæki. Mitt ráð til þessara manna/kvenna er að losa sig við þetta og koma þessu í eigu einhverja sem kunna til verka.

Áfram verkfall hjá SAS í Svíþjóð

Power to the people...

Já það er rétt hjá Chaves að loka einkastöð og afhenda ríkissjónvarpstöð leyfið og með því er hann afhenta fólkinu sjónvarpsmerkið. ER MAÐURINN FÍFL nei þetta kallast að vera sósíalísti og þeir finnast líka á Íslandi.

Forseti Venesúela lætur loka sjónvarpsstöð

Farðu alla leið...

Mér dettur strax í hug texti þeirra SS Sól manna "farðu alla leið" þegar ég les svona frétt. Um að gera að reyna að smygla fíkniefnum inn á Hraunið og láta handtaka sig áður en komið er á áfangastað og enda svo á Hrauninum eftir nokkra mánuði með dóm fyrir vitleysuna.

Lögregla kom í veg fyrir að fíkniefnum yrði smyglað inn á Litla-Hraun