Sturlaður Böðvarsson!!!

Getur einhver hér kommenterað á það afhverju Sturla Böðvarsson er ráðherra, ég er sjálfstæðismaður og skil það engan veginn hvað fyrrverandi formaður og núverandi formaður sjá við þennan blessa mann. Hann hefði aldrei átt að vera ráðherra.

Lesið eftirfarandi fréttir á www.spolur.is það skal engin segja mér að Sturla hafi ekki tekið upp tólið og haft samband við Vegagerðina þegar þessir samningar við hið góða fyrirtæki Spöl voru gerðir.l
Samið um fyrstu skrefin að tvöföldun á Kjalarnesi og undir Hvalfirði
Um fögnuð ritstjóra og ,,óbreytt veggjald"

Og svo lesið þetta:
http://www.sudurland.is/Eyjafrettir.asp?View=Article&ID=6289  er núna er hægt að hafa samband við vegagerðina, NEI það má ekki Sturla segir það megi ekki!!!!!!

Ég er ekki og hef aldrei verið fylgjandi því að sé verið að spandera með skattfé borgana en hjá Sturla er það þannig að Suðurlandið er alltaf útundan hjá honum. Á meðan ekki eru einkaaðilar sem sjá til þess að vegagerð í landinu sé til sóma þá verður hið opinbera að standa sig. Suðurlandsvegur er stórhættulegur og hann þarf að laga,  Guð blessi Sjóvá fyrir sínar áætlanir í þeim efnum. Svo ætlar Sturla að gera "frábært" ferjulægi við Bakka. Það verður gaman að keyra þangað á vetrarmánuðum í hálku og skafrenningi í tvo tíma til þess að taka Herjólf.
Ég bið góðan Guð að forða okkur frá því að hann verði ráðherra á næsta kjörtímabili. Maður er hættur að brosa yfir ruglinu í þessum manni, maður er orðinn nokkuð reiður.

Athugasemdir

[Böðvar Sturluson, 2.2.2007 kl. 10:51]

Sæll Kjartan.

Það er gaman að lesa hlý orð í garð sem ég þekki nokkuð vel.

Kannski er það sem fyrrverandi formaður og núverandi formaður séð við þennan mann er það að hann hefur verið með einna stöðugsta fylgi og eitt sterkasta vígi flokksins á bakvið sig í mörg ár, þ.e gamla Vesturlandskjördæmið og svo Norðvestur núna á seinni árum.

Ef þú vilt ekki borga 1000 kr. fyrir það að keyra einu sinni á ári í gegnum Hvalfjarðargöng, þar sem þú ferð væntanlega oftar austur fyrir fjall á leið þinni til Eyja, keyrðu þá bara Hvalfjörðinn, þá sleppuru við að borga gjaldið í göngin. Þar hefur val.

Svo er líka gaman að heyra Vestmanneyinga heimta göng. Er ekki sóun á almannafé og skattfé að gera göng til Eyja fyrir 5000 manns á meðan það væri hægt að gera eflaust ein 3 göng til annara staða?

Svo að öðru, hvenær ætlaru að hefja þáttagerð um hinn mæta mann Árna Helgason vin þinn?? ;)

[Stefán Bogi (IP-tala skráð) 2.2.2007 kl. 10:57]

Gaman að sjá þig hér á internetinu.

[kjartanvido (IP-tala skráð) 2.2.2007 kl. 11:09]

Sæll og blessaður Böðvar og takk fyrir síðast (SUS-þing Selfossi).

Ég veit það vel elsku vinir að ég er kannski full kvass í garð þess gamla en svona er stundum lífið í stjórnmálum og ég vona að þú takir því ekki svo illa :-)

Við skulum byrja á göngunum, ég fer þau nokkrum sinnum á ári á leið minni í sumarbúðirnar Ölver þar sem ég hef starfað af og til. Ég borga glaður 1000 kr í göngin og það finnst mér sanngjarnt gjald. En þegar ég fer með Herjólfi þá þarf ég að borga 2000 kr fyrir bíl + 2000 kr fyrir mig + 2000 fyrir konuna sem gera 6000 kr aðraleið. Það finnst mér heldur mikið gjald.

Með þessi blessuðu göng til eyja þá held ég að þú finnir hvergi staf eftir mig þar sem ég hef verið fylgjandi göngum. Ef að það er tæknilega hægt að bora þessi göng þá vil ég sjá einkaaðila fara í þá framkvæmd ekki ríkið. Ef ég man rétt þá greiddi ég atkvæði gegn því að ríkið færi í þessa framkvæmd miðað við tillögur félaga minna í Eyverjum á SUS-þinginu í Borganesi.

Svo með goðið mitt Árna Helgason þá er þessi þáttur minn í undurbúningi. Við náttborð mitt hef ég bókina Árni í Hólminum og las ég hana að minnsta kosti þrisvar sinnum á síðasta ári. Árni er öðlingur og það ætti að ramma svona karla inn enda algjörir orginalar.

 Með bestu kveðjum úr ölpunum
Kjartan Vídó

[Böðvar Sturluson, 2.2.2007 kl. 11:22]

Já takk fyrir síðast, það er langtum liðið.

Gott að við erum sammála varðandi göngin til Eyja, ríkið á hvergi að koma þar að, einkaaðilar eiga sjá um það verk.

En ertu búinn að heyra nýja diskinn með Árna sem hann var að gefa út. Þá áttu mikið eftir!

[kjartanvido (IP-tala skráð) 2.2.2007 kl. 11:28]

Ég verð að eignast þennan disk, hvar get ég nálgast hann?