Ich bin Vido Olafsson...........

Gjallarhornið hefur ráðið sig í smá vinnu hérna í Salzburg hjá fyrirtæki sem sér um þjónustustörf á stórum ráðstefnum hér í borg. Á miðvikudaginn var fyrsti dagurinn hjá mér og þjónaði ég á 1500 manna læknaráðstefni um Alzeimer og Parkinson. Það sem bjargaði mér að flest allir gestirnir eru enskumælandi þannig að þýskukunnáttan mín varð ekki vandræðaleg gagnvart gestunum. En samstarfsfólk mitt brosti líklega oft út í annað þegar ég var að reyna að tjá mig við þau en það er ekki mér að kenna ef að þetta fólk skilur ekki sitt eigið tungumál.
Þar sem nafnið mitt Kjartan er ekki það auðveldasta fyrir útlendinga að segja þá hef ég tekið þann pól í hæðina að láta kalla mig Vidó og er ég kallaður Vídó í vinnunni og á handboltaæfingum. En það sem ég hræddastur við er að Mannanafnanefnd frétti af þessu og ég fái á mig útgefna kæru. Ég sótti um að fá að bera Vídó sem millinafn fyrir nokkrum árum og var mér formlega hafnað af Mannanafnanefnd þannig að ég er í raun og veru að brjóta af mér með þessu. En hvað með það ég læt ekki einhverja nefnd segja mér fyrir verkum og ER og VERÐ alltaf VÍDÓ...

Nr 113 á blog.is

vinsælustu bloggarar á blog.is

Á þessum lista má sjá að Gjallarhornið er í 113 sæti yfir vinsælustu bloggin síðustu 7 dagana. Stefnan verður sett hærra á næstu vikum. Hef að vísu sett mér þá stefnu að samþykkja aðeins þá blogvini sem ég þekki persónulega og eru það vinir, ættingar eða kunningjar úr stjórnmálunum. Sá eini sem sleppur hjá mér inn án þess ég þekki viðkomandi er Bjarni Harðarson en hann er minn uppáhalds framsóknarmaður. 

DJ Júlíus Hafstein partýkóngur Íslands sér um stuðið.....

Mig grunar sterklega að Júlíus Hafstein verður ráðinn til þess að halda þetta partý fyrir ríkið. Davíð sá alltaf um að Júlíus hefði eitt gott partý til að sjá um þegar Davíð var við völd og núna er það Geir sem getur ekki annað en beðið DJ Júlla Haf að sjá um afmæli Jóns forseta. Það er ekki gott partý nema að DJ Júlli Haf sjá um stuðið.

Á von á að þingi ljúki á laugardag

PR menn Baugs að vinna sína vinnu....

Haldiði að það sé tilviljun að þessi upphæð sé afhent núna í miðjum réttarhöldum yfir þeim. Nei það efast ég um, þarna eru PR menn þeirra að vinna sína vinnu. Frábært framtak hjá Jóhannesi og fjölskyldur en tímasetningarnar í kringum þetta mál eru æði sérstakar.

 

Gjafafé til hágæslu afhent á Barnaspítala Hringsins

Ný Vestmannaey kemur til hafnar í dag......

Óska öllum á eyjunni fögru í suðri til hamingju með nýjasta skipið í flotanum. Vona að Guð og gæfa fylgi þessu skipi og áhöfn þess.

Ný Vestmannaey væntanleg til heimahafnar í dag

Williams formúlukarl styður Jón Ásgeir......

Ég held að ein súrasta grein sem morgunblaðið hefur sett á prent hafi verið í blaðinu í morgun. Það skrifaði eigandi Williams formúlu 1 liðsins grein um ágæti Jóns Ásgeirs. Nú er best að taka það fram að Jón Ásgeir þekki ég ekki neitt. En þessi grein frá mr. Williams er til þess að láta okkur Íslendinga vita hvað mr.Williams þykir Jón Ásgeir góður karl. Gott og vel að mr.Williams hafi álit á okkar manni í London en það má ekki gleyma því að Hamleys sem er í eigu Baugs er einn af stæðstu auglýsendum á bílum formúlu 1 liðs Williams, ætli sú staðreynd hafi eitthvað með álit mr. Williams á Jóni Ásgeiri.

Jafnrétti í íþróttum.....

Jafnréttismál eru mikið í umræðunni þessa dagaanna og er það bara frábært. En hvernig er með jafnrétti í miðaverði í íþróttum. Um helgina kostaði 1500 kr inn á bikarúrslitaleik karla í handbolta en bara 1000 kr á kvennaleikinn. Ég hef ekki séð né heyrt í einum einasta feminista hrópa yfir þessu brjálaða óréttlæti. Það kostar t.d. ekkert inn á landsleiki kvennalandsliðsins í fótbolta en það kostar yfir 5000 kr á karlalandsliðið. Þarna er verið að mismuna körlunum og þá segir engin neitt.

Alþingismenn munið að borða....

Miðað við hvað næturfundir geta gert stjórnmálamönnum þá vil ég minna stjórnmálamenn að hugsa vel um heilsuna og borða góðan og hollan mat. Framundan eru næturfundir og því mikilvægt að hugsa vel um heilsuna sína því okkur er betra úthlutað einni heilsu og því mikilvægt að hugsa vel um hana.

Rætt um stjórnarskrá fram á nótt

Húmor í Danmörku.......

Það er ekki hægt að segja annað að Kaupmannahafnarbúar séu með húmorinn í lagi eftir að þetta hústökupakk gerði allt brjálað. Svona á að taka á málunum, bjóða liðinu í kaffi og með því.

Mótmælendum boðið upp á rjómabollur í Kaupmannahöfn

Væl í landsbyggðinni...

Er það orðið þannig að staða landsbyggðarinnar á Íslandi sé svo slæm að
landsbyggðin keppist um að væla utan í ríkisstjórninni í þeirri von að
á þau sé hlustað. Vestfirðingar héldu fund um sín vandamál, eyjamenn
reyna að berjast fyrir betri og bættum samgöngum til eyja, Húsvíkingar
vilja fá álver, þessir vilja fá jarðgöng og þessi vill fá hitt. Er það
orðið þannig að allur þungi framkvæmda á landinu er fyrir 101 og það
fólk sem býr á höfuðborgarsvæðinu, eða landsbyggðin búin að sjá það út
að það borgar sig að gráta aðeins utan í ráðamönnum og þá er þeim komið
til aðstoðar? Gjallarhornið er hættur að skylja þetta.

Ríkisstjórnin mun ræða um vandamál Vestfjarða á morgun