Mr.Örbylgjupopp hættur að leika...

Ánægjulegt að hann sé hættur að leika, ég myndi frekar gráta ef að örbylgjupoppið góða hætti framleiðslu.

Paul Newman hættir að leika

Bróðir í Kristi..

Ég trúi því varla að fuglinn hafi gefið skít í forseta Georg W. Bush þetta hlýtur að vera fjöður, en fjöður skilur samt ekki eftir sig hvítan blett. Ég verð að segja eins og Gunnar í Krossinum að George W. Bush er bróðir í Kristi og því fyrirgef ég fuglinum þessa sendingu.

Bush fékk óvænta flugsendingu

Næsti forseti Íslands.

Á næsta ári verður kosið um embætti forseta Íslands og Ólafur Ragnar hefur ekki gefið út hvort hann gefi kost á sér til áframhaldandi setu á Bessastöðum. En ég ákvað að setja smá lista hérna á síðuna og miðast hann við það að forsetinn sé þreyttur á Bessastöðum og ætli ekki að gefa kost á sér.

Frambjóðendur:
Ástþór Magnússon, áskrifandi að framboðinu
Jón Baldvin Hannibaldsson, athyglissjúkur gamall stjórnmálamaður
Tóta 2000 menningarfrömuður
Bjarni Ármannsson, bankastjóri á bótum
Rannveig Guðmundsdóttir, tengdamamma Kidda tenórs
Margrét Frímansdóttir, tengdamamma sólstrandargæja
Séra Pálmi Matt, er hann enn í tísku?
Styrmir Gunnarsson, á hann ekki skilið að búa á Bessastöðum
Margrét Sverrisdóttir, alltaf talin ung og efnilega ( er eldri en Árni Matt)
Ómar Ragnarsson, forseti Ísland sem ferðast um á einkaflugvél
 

Hversu vel þekkir þú nýju ríkisstjórnina?

Hversu vel þekkir þú nýju ríkisstjórnina? Svona þekki ég hana og svona skoðanir hef ég á þessu ágæta fólki.

Geir H. Haarde - Forsætisráðherra: Hef ekki miklar mætur á Geir Hilmari hann er of mikill íhaldsmaður fyrir minn smekk, fósturfaðir Borgars Þórs sem ég er ekkert svakalega hrifinn af, mágur Guðjóns Þórðarsonar sem er einn mesti snillingur sem ég hef kynnst. Geir H hefur sungið á plötu með Árna Johnsen og fyrir mér er það ekki plús í pylsu.
Þorgerður Katrín - Menntamálaráðherra: Klárlega fallegasti ráðherrann í stjórninni, gift fyrirliðanum sjálfum, er FH-ingur sem er ófyrirgefanlegt og hún er Poolari í þokkabót, hafnaði mér sem útvarpsstjóra og kallaði mig ekki einu sinni í viðtal um starfið, dæmdi einu sinni hjá mér handboltaleik og eftir leikin var hún ekki í mikli uppáhaldi hjá Gjallarhorninu. Er með snilldar ráðgjafa og vínsérfræðing sem aðstoðarmann.
Árni M. Mathiesen - Fjármálaráðherra: dýralæknir og hestakall, FH-ingur ; með lögheimili í kartöflugörðunum hans Árna Johnsen í Þykkvabænum, bróðir besta línumanns Íslands.
Guðlaugur Þór - Heilbrigðisráðherra: Borgnesingur, var með pabba í SUS og það segir soldið um það hversu lengi Gulli er búinn að vera að brasa í stjórnmálaum, Poolari sem er dauðasynd, hreindýraskytta, fékk mig að byrja að safna í aukalífeyrissparnað fyrir mörgum árum, á nokkra vini sem ég flokka sem spesara.
Einar K. Guðfinsson - Landbúnaðar- og sjávarútvegsráðherra: Frændi Stálsins og Einar er frá heimahaganum mínum Bolungavík, lundaveiðimaður góður, honum að þakka að við étum hrefnukjöt.
Björn Bjarnason - Dóms- og kirkjumálaráðherra: Einn mesti fróðleiksmoli sem hægt er að spjalla við, hefur miklar mætur á Bruce Willis, tengdasonur Ingólfs Guðbrandssonar, á að ég held rollur, með skemmtilegan aðstoðarmann.

Samfylking
Ingibjörg Sólrún - Utanríkismálaráðherra: Á mann sem talar kínversku, pabbi hennar er Sjálfstæðismaður, þekkir Pétur Árna Jónsson snilling, á gríðarljótt skartgripasafn, sá til þess að Mörður Árnason, Guðmundur Steingrímsson og Róbert Marshall komust ekki á þing.
Össur Skarphéðinsson - Iðnaðarráðherra: Fór í megrun með Davíð Oddsyni þegar þeir voru saman í ríkisstjórn, setti á veiðikortin sem komu Einar Kristni í vandræði við lundaveiðar, þekkir Pétur Árna Jónsson, bróður Magga Skarp hjá músavinafélaginu og fyrrverandi skúringamanns hjá Baugi, sendi Baugsmönnum skemmtilegt bréf eftir að þeir ráku Magga bróðir.
Kristján Möller - Samgöngumálaráðherra: Pabbi Jóa Möllers fyrrverandi leikmanns ÍBV, var í bæjarstjórn í Fjallabyggð með stórtenórnum Hlöðveri frá Haga, átti Siglósport.
Þórunn Sveinbjarnardóttir - Umhverfismálaráðherra: býr bláa bænum Garðabæ, var í kvennalistanum, einn af fáu rauðhærðu ráðherrum í heiminum.
Jóhanna Sigurðardóttir - Félagsmálaráðherra: hennar tími er kominn, maki hennar er rithöfundur og leikskáld, fyrrverandi flugfreyja og formaður Svalana.
Björgvin G. Sigurðsson - Viðskiptaráðherra: samkvæmt eigin orðum þá er hann alinn upp í virkjun, fyrrverandi húsvörður í þjóðveldisbænum í Þjórsárdal, dóttir hans er fædd klukkutíma undan dóttur minni og voru þær báðar teknar með keisaraskurði að kveldi 14.október 2003.

 

Svona "vel" þekki ég þessa blessuðu ríkisstjórn. 

 

Hvað er að þessu?

Jú það er skömm að þessu!!!! ÍBV hefur gert þrjú jafntefli í fyrstu leikjum 1.deildar í fótbolta. Ég trúi ekki öðru en að strákarnir séu að berjast á fullu, ástæðan fyrir þessum jafnteflum er auðvitað að lið eins og Reynir í Sandgerði og Fjarðarbyggð eru með sterka leikmenn í sínum liðum og það er ástæðan fyrir þessum jafnteflum.

Hjörtur tryggði Þrótti sigur gegn Leikni

Góð auglýsing....

fyrir þá sem hönnuðu þennan óþvera leik, mig grunar að þessir einstaklingar verði ráðnir í vinnu hjá einhverjum leikjaframleiðenda. Eru það t.d. ekki þeir sem framleiða vírusvarnarforrit sem ráða þá sem búa til vírusa í vinnu?

Nauðgunarleikur fjarlægður af íslenskri vefsíðu

Sjálfsbjargarviðleitni í hámarki.

Alveg er það ótrúlegt með lögregluna að koma í veg fyrir örlitla sjálfsbjargarviðleitni, það er alltaf verið að tala um íslenskan landbúnað og íslenskan iðnað og hversu mikilvægir þessir hlutir séu. Og svo kemur lögreglan og stoppar svona framleiðslu. Ég er hættur að skilja svona lagað

Komið upp um kannabisræktun í austurborginni

Evran að lækka...

Góðar fréttir fyrir mig að leigan lækkar aðeins þessa dagana við það að evran að lækka gagnvart krónunni. Vona að hún fari aftur á sama stað þegar ég flutti út en þá var 1 eur =  73 ísl krónur.

Krónan styrktist í dag

Beckham á allt gott skilið...

David Beckham er magnaður maður, ég hef lengi haft miklar dálætur á þessum snillingi. Hann er spilaði frábærlega fyrir Man Utd, hefur komið fram með nýjungar í hárgreiðslum og á glæsilega konu. Fyrir allt þetta á hann að vera fyrirliði landsliðsins.

Capello: Beckham verðskuldar landsliðssæti

Hver borgar farið?

Þegar lögreglan ákvað að senda sígunina í burtu frá Íslandi þá borgaði ríkið flugfarið frá Keflavík til Oslóar, nú er spurningin hvert verður þessi klerkur sendur og hver borgar farið?

Bresk stjórnvöld vísa múslímaklerk úr landi