Hin nýja stjórnarandstaða...

Í dag kemur saman nýtt þing sem kosið var 12.mai síðastliðinn. Skipt hefur verið um annan flokkin í ríkisstjórninni og kemur Samfylkingin inn af varamannabekknum og Framsókn sest á tréverkið. Þegar ég hef horft á umræður á Alþingi síðustu fjögur ár þá hafa ákveðnið þingmenn í stjórnarandstöðu verið áberandi í ræðustól og mótlmælt flestu því sem stjórnarliðar hafa sett fram. Í þeim hópi er t.d. Steingrímur J og Ögmundur frá Vinstri Grænum og Mörður Árnason sem hverfur af þingi (Guði sé lof fyrir það) og Helgi Hjörvar. Núna kemur Helgi Hjörvar inn á í byrjunarliðið og því má búast við því að hann verði ekki eins setinn í ræðustóli eins og fyrri ár.
En þá er best að skoða hverjir það eru sem koma inn á varamannabekkinn til þess að veita stjórnarliðum aðhald. Mig grunar að Bjarni Harðarson snillingur verði mjög áberandi í stjórnarandstöðunni og það virðist vera að hann hafi sterka skoðun á öllum málum í samfélaginu, ég geri ekki ráð fyrir því að gamlir refir eins og Valgerður og Guðni Ágústsson verðir með einhver læti. En hjá Vinstri Grænum geri ég ráð fyrir því að Árni Þór, Atli Gísla og Álheiður verði með lögheimili í ræðustól á þingi.
Það hefur skapast sá siður hjá fjölmiðlum að fjalla um  það hversu lengi  Alþingismenn eru í ræðustól Alþingis á hverju þingi. Það verður gaman að sjá hversu miklar breytingar það verða frá síðasta kjörtímabili þegar Samfylking var í stjórnarandstöðu og yfir það að vera í stjórn.

Hærri laun?

Það skyldi þó ekki vera að það sé betur borgað að sitja á danska þinginu eða kannski er betra að búa í Danmörku? En Grænland er land sem Gjallarhornið á eftir að heimsækja.

Lars Emil Johansen hættir í grænlensku heimastjórninni

Hver er tilgangurinn?

Svör manna við þessari spurningu er misjöfn en ég held að fáir séu sammála Paulu Abdul sem hefur fundið tilgangin í American Idol. Það þarf ekki mikið til að finna tilganginn hennar.

Paula Abdul segist hafa fundið tilgang sinn í American Idol

Sannkölluð hetja.

Votta fjölskyldu og vinum Ástu Lovísu mín samúð. Guð blessi ykkur og styrki á þessum erfiðu tímum.

Ásta Lovísa Vilhjálmsdóttir látin

Lúlli Bedda þingflokksformaður...

Já það kom þá að því að Lúlli fékk einhvern titill hjá Samfylkunni.

Lúðvík kjörinn þingflokksformaður Samfylkingar

Sorglegt en kannski nauðsynlegt

Þessi niðurstaða kemur mér ekki á óvart eftir þær umræður sem hafa átt sér á eyjunni fögru síðustu vikurnar um stöðu íþróttahreyfingarinnar í eyjum. ÍBV er skuldugt félag eins og öll önnur íþróttafélög á landinu en miðað við þessa ákvörðum þá er hún tekin út frá því að iðkendunar vantar á meistaraflokksaldri. Staðan er því þannig í dag að ekki er til meistaraflokkslið kvenna í handbolta og fótbolta og er það miður.

ÍBV ekki með lið í meistaraflokki kvenna

Skriðdreki til sölu...

Þeir sem hafa áhuga á því að eignast skriðdreka geta haft samband við mig og ég get farið á staðinn og tekið skriðdrekana út og prufukeyrt þá fyrir væntanlega kaupendur. Ef ég man tollalögin rétt þá eru skrifdrekar án allra tolla og aðeins þarf að greiða vsk af kaupverði. 

Lítið notaðir skriðdrekar til sölu

Hann er soldið spes

Ég get ekki sagt að ég hafi gaman að dvergnum sem tónlistarmanni en hann er alveg ótrúlegir í kvennamálum og varðandi fjölskyldu sína er maðurinn sér á báti. Hér fyrir neðan er tvær gamlar fréttir af fjölskyldumeðlimum hans.

 

Rod Steward um brjóstin á dóttir sinni

Sonur Rod Steward dáist að föður sínum

Rod Stewart kemur upp um eigin smæð

Frábært starf.

Þær vinna mikið og þarft starf konurnar í Thorvaldsenfélaginu. Gjallarhornið er ekki þekkt fyrir að koma nálægt kvennfélögum enda Gjallarhornið karlmaður en Thorvaldsensfélagið hefur þó fengið að njóta krafta Gjallarhornsins. Fyrir um 6 árum gerði Gjallarhornið lokaverkefni í Margmiðlunarskólanum og var þetta verkefni vefsíða fyrir þetta merka félag í tilefni 100.ára afmælis þess. Var okkur auðvitað boðið í kaffi og með því á afmælinu og okkur kynnt starfsemi félagsins. Ég óska því vinkonum mínum í Thorvaldsenfélaginu til hamingju með daginn og megi starf þeirra lofa um ókomnatíð.

Síðan góða lifir enn:
http://www.thorvaldsens.is/ 

 

Thorvaldsensbazar býður í kaffi

Það má ekki pissa bak við hurð...

Þetta "fullorðna" fólk er svo skrítið. Við hverju bjóst maðurinn, að löggan bara brosti á meðan hann kastaði af sér vatni á bílinn. Ætli hann hafi samt fengið að klára áður en þeir handtóku hann?

Pissaði á lögreglubíl