Gott hjá Google en afhverju Brandurinn er ekki á Google Earth?

Þetta er skemmtilegt concept hjá þeim google mönnum, og þetta er sniðugt hvernig þeir gefa upplýsingar um stöðu mála í Darfur. Eitt sem ég er gríðarlega óánægður með er að þegar skoðaðar eru Vestmannaeyjar þá eru upplýsingar um Álsey og Suðurey en ekkert um Brandinn. Sko fólk verður að gera sér grein fyrir því að Brandurinn er fallegasta eyjann í Vestmannaeyjaklasanum. Það að setja þessar hjálegur eins og Ásley og Suðurey þarna inn er bara brandari því ekkert er varið í þessar eyjur. T.d. eru þeir sem veiða í Suðurey svo leiðinlegir að þangað hefur ekki komið gestur í mörg ár og þeir í Álsey rata ekki út í sína eyju og villast reglulega á leiðinni þangað. Þeir í Ásley hafa ákveðið að setja línu í Stórhöfða til að leiðbeina sér rétta leið. 

Brandurinn lengi lifi húrra húrra húrra... 

ATH: Ég er EKKI á neinn hátt að bera saman ástandið í Darfur í Brandinum, enda ekkert ástand í Brandinum en neyðarástand í Darfur sem er alvarlegur hlutur.

Google hjálpar Darfur

verður bjór seldur um borð í Herjólfi...

Á síðasta bæjarráðsfundi í eyjum lá fyrir umsókn Eimskips rekstraraðila Herjólf þar sem þeir sóttu um leyfi til sölu áfengi um borð í þessu frábæra skipi. Ég held að það sé hið besta mál að selja áfengi þarna um borð en ég geri ráð fyrir því að ekki verður selt áfengi þarna yfir þjóðhátíðina enda þá er öll meðferð áfengra drykkja bönnuð um borð.  En þá er spurning hvernig þeir ætla að útfæra þetta, má þá bara drekka í efri salnum, eða selja þeir bjórinn út frá kaffiteríunni? En þó ég fagni þessu þá er ég samt eitthvað smeykur við þetta.

Hvar voru Bjöggi, Lúlli og Robbi?

Veit einhver hvar skytturnar þrjár á suðurlandi hjá Samfylkingunni voru í Kastljósinu í kvöld á borgarafundi á suðurlandi?

Góðan bata...

Það er nú meira hvað ráðherran hefur verið óheppinn með þessu veikindi sín síðustu vikurnar. Ég óska Birni góðan og skjótan bata og vonandi kemst hann í gang eins fljótt og hægt er. Björn er að mínu mati okkar albesti stjórnmálamaður. Hann er skemmtilegur að tala við og hann er fullur af fróðleik um hinn ýmsu málefni. Dómsmálaráðaneytið hefur verið í góðum höndum hjá Birni og ég trúi ekki öðru en að hann verði þar við völd eftir næstu kosningar. 

Björn Bjarnason á sjúkrahúsi

Róm rifin niður á einum degi..

Oft er sagt að Róm hafi ekki verið byggð á einum degi, en í dag var hún rifin niður á aðeins 45 mín. Þegar þetta er ritað þá er Man Utd að vinna 4-0 og það í hálfleik. Ef að Bayern vinnur á morgun þá er ég bókað að fara til Munchen og horfa á Bayern Munchen - Man Utd spila. Þetta eru mín lið í boltanum fyrir utan ÍBV og Salzburg Redbull. Svo var Salzburg Redbull í hokký að verða heimsmeistari félagsliða (held að þetta heitir það skyldi ekki alveg nágrannan) í kvöld og mikið partý í Salzburg í kvöld....

Man.Utd. komið í 3:0

Vertu velkominn....

Mikið svakalega væri það falleg sjón að sjá Eið Smára spila í Man Utd búning, ég myndi fella tár á þeim degi þegar samningar yrðu undirritaðir. Eiður er klassa leikmaður, Man Utd hefur oft verslað leikmenn sem ekki flokkast  sem "heimsklassa" leikmenn og þeir hafa skilað sínu fyrir liðið. Eiður Smári myndi sóma sig vel hjá Man Utd. Ég segi komdu fagnandi þegar þú kemur því ég trúi ekki öðru en það verður skrifað undir samning við hann í sumar.

Arnór: Hef ekkert heyrt frá Manchester United

Af hverju þetta fylgishrun Ingibjargar?

Staða Ingibjargar Sólrúnar og Samfylkingarinnar er slæm þessa dagana og hafa stjórnmálaspekingar þessa lands farið mikin útaf þessum blessuðu skoðannakönnunum sem sýna þessu slæmu stöðu. En ég hef fundið ástæðuna og hana má rekja til gamlársdagsins síðasta. En í þættinum Krydd síld á Stöð 2 sagði Ingibjörg eitthvað á þá leið að sá stjórnarandstæðuflokkur sem kæmi stæðstur út úr kosningunum fengi forsætisráðherrastólinn ef Kaffibandalagið kæmist að völdum. Á gamlársdag var nefnilega Samfylkingin með ágæta stöðu gagnvart VG, en frá þessum degi og þessum ummælum hefur fylgið minnkað frá degi til dags. Sú saga gengur nú um bæinn að Ingibjörg hafi fengið mann sinn til að fá þessa upptöku frá Stöð 2 og eyða henni.
Ég  veit ekki hvort að ég sé eitthvað skrýtinn en mér hefur alltaf þótt vænt um Ingibjörgu og hún er ein af mínum uppáhaldsstjórnmálamönnum og ástæðan fyrir þessari ást minni er að hún er að koma Samfylkingunni niður fyrir 20% og það ber að þakka.

Að liggja á bæn..

Mér finnst eitthvað skrýtið við þessa mynd af páfanum. Þarf að liggja eins og páfi gerir til þess að ná betra sambandi við almættið. Nú eru tveir yngstu prestar landsins félagar mínir og hef ég aldrei séð þá beita þessari aðferð. Kannski að þetta sé nýsköpun í guðfræði?

Páfi við messu í Péturskirkju á föstudaginn langa

Sacher tertan er góð en gúllasúpan er betri..

Ég fer stundum á Café Sacher hér í Salzburg, þetta er líklega fallegasta kaffihúsið hér í borg og það er skemmtileg stemning þarna inni. Myndir af frægum einstaklingum sem hafa heimsótt kaffihúsið og mér finnst oft einkennandi fyrir þennan stað hvað mikið af eldri konum sitja þarna og spjalla. Ég er ekki hrifinn af þessari Sacher tertu það besta sem ég veit á Sacher er gúllassúpan þeirra og svo auðvitað 40 cm pulsan með sinnep og túmat. En ég kannski fæ mér eina tertu til að fagna þessu afmæli.

Sacher-tertan 175 ára

Afhverju undir Fólk?

Þessi frétt um lesbíublakið er undir dálknum Fólk á mbl.is er þetta ekki íþróttafrétt?

Evrópskar lesbíur keppa í blaki