Voru Björgúlfur eða Hannes Smára að versla.

Mig grunar að Björgúlfur eða Hannes Smára hafi verið að kaupa þessa íbúð. Hef heyrt sögur af því hvernig þessir menn eru að sífellt að bæta um betur í "góðum" kaupum á bílum og íbúðum.

Íbúð í New York seldist fyrir 50 milljónir dala

Drauma ráðherrar

Þetta eru mínir draumaráðherrar fyrir Sjálfstæðisflokkinn.

Þorgerður Katrín: Erfitt að hafa hana ekki, ætlaði að strika hana út en kaus utankjörfundar, hún er FH-ingur og það fyrirgef ég ekki.
Árni Matt: Góður og skemmtilegur karl, galli að hann er FH-ingur
Illugi Hrollur Gunnarsson: Fyrrverandi kommi sem þroskaðist og er nú framtíðarleiðtogi Sjálfstæðismanna. Treysti þessum peyja í hvað sem er.
Guðfinna Bjarnadóttir: Yrði góður ráðherra.
Bjarni Ben: Eðal Garðbæingur eins og félagi minn Kanzlarinn myndi orða það, framtíðarleiðtogi
Björn Bjarnason: Okkar langbesti ráðherra.
Siggi Kári: Siggi er einn sá flottasti á þingi. 

Ekki ráðherrar í mínum huga:

Geir H Haarde: Fer eitthvað í taugarnar á mér, kannski það hafi áhrif hver er formaður SUS
Gulli Þór: Félagi Gulli er Liverpool maður og það er synd sem ég fyrirgef ekki
Árni Johnsen: Já nei nei bara eitthvað allt annað en hann.
Sturla Böðvarsson: Þarf eitthvað að rökstyðja þetta nánar.

Stjórnarmyndunarviðræður halda áfram eftir hádegi í dag

Heim á ný...

Þegar ég vaknaði í morgun og sá að það snjóaði þá fékk ég heimþrá, já í fyrsta skiptið langaði mig heim til Salzburgar. En ég fer þangað á morgun þannig að ég kvarta ekki undan þessu veðri. Það spáir 28° hita á fimmtudaginn í Salzburg þá þá fer Gjallarhornið í sólbað.

Esjan komin í hvítan kufl að nýju

Björn verður ráðherra!!!

Það yrði skömm í hatt Geirs H ef að hann ætlar að láta Jóhannes hafa áhrif á sitt ráðaherraval. Björn er okkar langbesti ráðherra enda eru það 80% prósent sem lýsa frati í Jóhannes með því að strika ekki yfir hann. En ég held að margir hafi ruglast með því að kjósa annan flokk og strika svo yfir Björn og eyðilagt þannig atkvæðið og það ber að þakka Jóhannesi fyrir það.

Árni og Björn færast niður um eitt sæti

Blásið lífi í þessa elsku.

Ég var með stórar yfirlýsingar fyrir kosningar um ást mína á Ingibjörgu Sólrúnu og stend ég fast á þessari ást minni. Hún sá til þess að Róbert Marshall og Mörður Árnason komust ekki á þing. En ég verð þó að viðurkenna að þessi lífgjöf Geirs H í stjórnmálalíf Ingibjargar kemur mér spánskt fyrir sjónir. Ef að hann hefði ekki blásið lífí í Ingibjörgu og valið t.d. VG þá værum við ekki að sjá Ingibjörgu í framboði eftir 4 ár.

Fundur stendur enn yfir á Þingvöllum

Hvað gera grænu 101 íbúarnir..

Nú verður gaman að sjá hvað íbúar í 101 Rvk sem hafa mótmælt virkjunum og hafa talað um það að næg tækifæri væru að finna án álvera og stóriðju. Þeir hljóta að hafa eitthvað handa þeim fyrir vestan. Ótrúlegt hvað heyrist lítið í þessu menningarliði þegar eitthvað gerist sem miður fer út á landi. Þeir hefðu nú látið í sér heyra ef að þessi prósenta hefði misst vinnuna á höfuðborgarsvæðinu.

Jón Bjarnason óskar eftir fundi um um stöðuna á Flateyri

Víst er fagur Vestmannaeyjabær, vinaleg er einnig Heimaey...

En ég skil ekkert í því að mbl.is skuli ekki hafa birt frétt og mynd af mér þar sem ég hef verið í eyjum síðustu vikuna. Gjallarhornið er sárlega móðgað.

Helgi skoðar Heimaey

Ætli Ólafur Ragnar sé fúll...

Mig grunar að forseti Íslands sé ekki ánægður með þessa niðurstöðu, hann nær ekki að mynda vinstri stjórn í hans forseta tíð og er það bara hið besta mál. Það er þessi eini þingmaður sem færðu völdin frá forsetanum þreytta yfir til Geir H Haarde.

Ingibjörg Sólrún: Ríkisstjórnin of veik

Enga fílupúka...

Það verður erfitt fyrir þau hjón Geir H og Jón Sig að halda krökkunum sínum í skefjum ef að þeir ætla að fara af stað með einn þingmann sem tryggir meirihluta á þingi. Þá má ekki eitt barn fara í fílu og þá er allt í steik. Ég veit eiginlega ekki hvaða stjórn væri óska stjórn fyrir Gjallarhornið. Ef að Sjálfstæðisflokkurinn dansar með Vinstri Grænum þá getum við kvatt einkavæðingu og sölu ríkisfyrirtækja en þá verður ekkert Evrópusambands daður hjá þeim en ef að Samfylkingin verður tekin í dans þá er líklega sameiginlegri stefna á milli þeirra. En illa líst mér á eins þingmanns meirihluta kannski D og B bjóði F í dans en það væri súrasta samsetning sem til væri.

Vona bara að ráðaneytum verði fækkað um 2-3 við myndum næstu stjórnar.

Geir og Jón funda í kjölfar kosninganna

Ágætis árangur Frjálslyndra

Miðað við þær deilur sem að Frjálslyndir hafa farið í gegnum síðustu mánuðina þá verður því miður að segja að árangur þeirra sé ágætur. Ég verð að fagna því að Magnús Þór sé dottinn út af Alþingi það er eitthvað við hann sem fer í mínar fínustu og ég get ekki með nokkru móti fagnað komu Grétars Mars sem boðar eigna upptöku á kvóta eyjamanna og Jóni Magnússyni inn á Alþingi. Ég aftur á móti hef gaman að Guðjón Arnari og hann er alltaf hress.

Guðjón Arnar: Frjálslyndi flokkurinn hefur fest sig í sessi