Björn verður ráðherra!!!

Það yrði skömm í hatt Geirs H ef að hann ætlar að láta Jóhannes hafa áhrif á sitt ráðaherraval. Björn er okkar langbesti ráðherra enda eru það 80% prósent sem lýsa frati í Jóhannes með því að strika ekki yfir hann. En ég held að margir hafi ruglast með því að kjósa annan flokk og strika svo yfir Björn og eyðilagt þannig atkvæðið og það ber að þakka Jóhannesi fyrir það.

Árni og Björn færast niður um eitt sæti

Athugasemdir

[Grímur Kjartansson, 20.5.2007 kl. 22:09]

Hvað með þá 2.768 sem strikuðu Björn út og þá staðreynd sem því fylgir að Björn er kominn í 3. sæti. Athugaðu að það voru kjósendur Sjálfstæðisflokksins sem fluttu Illuga upp fyrir Björn ekki Jóhannes.

[Grímur Kjartansson, 20.5.2007 kl. 22:12]

Ég hef ekkert á móti Birni og strikaði hann ekki út en mér finnst að það eigi að virða reglur lýðræðisisins

[Kjartan Vídó, 21.5.2007 kl. 09:53]

Þegar Ólafur Ragnar bauð sig fram sem forseta í fyrsta skiptið birtu fjórir viðskiptamenn auglýsingu þar sem þeir kvöttu einstaklinga til þess að kjósa ekki Ólaf Ragnar og töldu þeir til nokkrar ástæður fyrir þessari skoðun sinni. Þá fóru vinstri menn í fjölmiðla brjálaðir og sögðu að þarna væri auðvaldið að reyna hafa áhrif á kosningarnar með peningavaldi sínu. Þegar Jóhannes í Bónus setti þessa auglýsingu í blöðin þá þögðu þessu sömu vinstri menn af því að núna kom það þeim betur að láta "auðvaldið" hafa áhrif.
Það að  Björn hafi fallið niður um  eitt sæti á ekki að hafa áhrif á það hvort hann verður ráðherra eða ekki. Björn hefur í sínum verkum sýnt það að hann er okkar langbesti ráðherra. Ef að það á að hafa áhrif í hvaða sætum menn sitja þá er líklegt að Ágúst Ólafur verði ráðherra frekar en Össur eða Jóhanna sem hafa miklu meiri reynslu en Ágúst? Þetta auðvitað fer eftir hæfni einstaklinga. Lýðræðið hjá mér er þannig að einstaklingar eiga að kjósa eftir sinni sannfæringu ekki láta Jóhannes í Bónus eða nokkurn annan hafa áhrif á sitt val eða útstrikanir.

[Kjartan Vídó, 21.5.2007 kl. 14:49]

Kæri frændi, ég verð seint verkfæri einhverja afla hvorki í stjórnmálum eða í öðru. Ég held að auglýsing Jóhannesar hafi haft mikil áhrif á útstrikanir Björns. Það hringdi einhver maður í útvarpið í gær og sagðist hafa alltaf kosið framsókn en kaus D og strikaði yfir Björn af því að Jóhannes hefði auglýst og hann treysti Jóhannesi. Það getur varla verið að þetta sá eini sem lét til leiðast.
Að mínu mati er ekki hægt að bera útrikanir Árna  saman við útstrikanir Björns.  Árni  er með þannig feril að baki að  það mátti klárlega búast við útrikunum á nafni hans. Þær voru eftir því sem ég best veit ekki skipulagðar en útstrikanir á Björn voru að stórum hluta skipulagðar með auglýsingum Jóhannesar. En ég er á því að Jóhannes eigi stóran þátt í því að Sjálfstæðisflokkurinn fékk fleiri atkvæði en í síðustu kosningum.
Ég er á þeirri skoðun að Björn eigi að vera ráðherra burt sé frá öllum þessum útstrikinum. Björn er okkar besti ráðherra.

[Kjartan Vídó, 21.5.2007 kl. 22:35]

Kæri frændi ég segi á móti við þig ef að þú þekktir störf Björns eins og ég þá myndir þú dá hann og dýrka.