Úti í sól og sumaryl..

Já það varður lítið bloggað í dag, það spáir 24 stiga hita og sól og erum við fjölskyldan að fara upp í sveit að heimsækja vini okkar þar. Ætlum við að eyða deginum með þeim við pasta át og afslöppun. 

Er Ólafur í Samskip að halda upp á afmælið sitt í Evrópu?

Ég var farin að halda að Ólafur hafi gleymt að bjóða mér í afmælisveislurnar sínar sem hann heldur á nokkrum stöðum í Evrópu, ég sé núna að ákveðið hefur verið að hætta við þetta afmælispartý þannig að ég get slappað af.

Elton aflýsir Evrópuferð

Flókið fyrirbæri.

 Ég vona að félagi Friðjón fyrirgefi mér þegar ég bendi fólki að lesa gamlan pistil sem Friðjón skrifaði fyrir löngu. En þar útskýrði Friðjón þetta flókna fyrirbæri sem STEF og svipuð fyrirbæri eru og hvernig þau vinna.

 

http://fridjon.blog.is/blog/fridjon/entry/85920/

Tónlist.is stendur skil á sínu

Íþróttamaður ársins?

Erum við að sjá Theódór Elmar sem næsta íþróttamann ársins, hann skaut í slá af 25 metra færi í síðasta leik með Celtic og svo var hann á beknum í dag þegar liðið var bikarmeistari, þetta ætti að koma honum langt í kjörinu.

Celtic bikarmeistari í 34. sinn

Eiga ekki að fá bílprófið aftur...

Afhverju fá svona einstaklingar bílprófið aftur,er ekki allt í lagi að taka prófið af þessum einstaklingum fyrir lífstíð. Að keyra á 170 km hraða á þessu svæði er fáranlegt að lýsir vel hugsunarhætti þessa einstaklinga. 

Teknir á 170 á Hafnarfjarðarvegi - stórhætta skapaðist

Það er gott að búa í Garðabæ!

Það er greinilega eftirsótt að búa í bláa bænum Garðabæ.

Boðið var í allar lóðirnar í Urriðaholti

Mr.Örbylgjupopp hættur að leika...

Ánægjulegt að hann sé hættur að leika, ég myndi frekar gráta ef að örbylgjupoppið góða hætti framleiðslu.

Paul Newman hættir að leika

Bróðir í Kristi..

Ég trúi því varla að fuglinn hafi gefið skít í forseta Georg W. Bush þetta hlýtur að vera fjöður, en fjöður skilur samt ekki eftir sig hvítan blett. Ég verð að segja eins og Gunnar í Krossinum að George W. Bush er bróðir í Kristi og því fyrirgef ég fuglinum þessa sendingu.

Bush fékk óvænta flugsendingu

Næsti forseti Íslands.

Á næsta ári verður kosið um embætti forseta Íslands og Ólafur Ragnar hefur ekki gefið út hvort hann gefi kost á sér til áframhaldandi setu á Bessastöðum. En ég ákvað að setja smá lista hérna á síðuna og miðast hann við það að forsetinn sé þreyttur á Bessastöðum og ætli ekki að gefa kost á sér.

Frambjóðendur:
Ástþór Magnússon, áskrifandi að framboðinu
Jón Baldvin Hannibaldsson, athyglissjúkur gamall stjórnmálamaður
Tóta 2000 menningarfrömuður
Bjarni Ármannsson, bankastjóri á bótum
Rannveig Guðmundsdóttir, tengdamamma Kidda tenórs
Margrét Frímansdóttir, tengdamamma sólstrandargæja
Séra Pálmi Matt, er hann enn í tísku?
Styrmir Gunnarsson, á hann ekki skilið að búa á Bessastöðum
Margrét Sverrisdóttir, alltaf talin ung og efnilega ( er eldri en Árni Matt)
Ómar Ragnarsson, forseti Ísland sem ferðast um á einkaflugvél
 

Hversu vel þekkir þú nýju ríkisstjórnina?

Hversu vel þekkir þú nýju ríkisstjórnina? Svona þekki ég hana og svona skoðanir hef ég á þessu ágæta fólki.

Geir H. Haarde - Forsætisráðherra: Hef ekki miklar mætur á Geir Hilmari hann er of mikill íhaldsmaður fyrir minn smekk, fósturfaðir Borgars Þórs sem ég er ekkert svakalega hrifinn af, mágur Guðjóns Þórðarsonar sem er einn mesti snillingur sem ég hef kynnst. Geir H hefur sungið á plötu með Árna Johnsen og fyrir mér er það ekki plús í pylsu.
Þorgerður Katrín - Menntamálaráðherra: Klárlega fallegasti ráðherrann í stjórninni, gift fyrirliðanum sjálfum, er FH-ingur sem er ófyrirgefanlegt og hún er Poolari í þokkabót, hafnaði mér sem útvarpsstjóra og kallaði mig ekki einu sinni í viðtal um starfið, dæmdi einu sinni hjá mér handboltaleik og eftir leikin var hún ekki í mikli uppáhaldi hjá Gjallarhorninu. Er með snilldar ráðgjafa og vínsérfræðing sem aðstoðarmann.
Árni M. Mathiesen - Fjármálaráðherra: dýralæknir og hestakall, FH-ingur ; með lögheimili í kartöflugörðunum hans Árna Johnsen í Þykkvabænum, bróðir besta línumanns Íslands.
Guðlaugur Þór - Heilbrigðisráðherra: Borgnesingur, var með pabba í SUS og það segir soldið um það hversu lengi Gulli er búinn að vera að brasa í stjórnmálaum, Poolari sem er dauðasynd, hreindýraskytta, fékk mig að byrja að safna í aukalífeyrissparnað fyrir mörgum árum, á nokkra vini sem ég flokka sem spesara.
Einar K. Guðfinsson - Landbúnaðar- og sjávarútvegsráðherra: Frændi Stálsins og Einar er frá heimahaganum mínum Bolungavík, lundaveiðimaður góður, honum að þakka að við étum hrefnukjöt.
Björn Bjarnason - Dóms- og kirkjumálaráðherra: Einn mesti fróðleiksmoli sem hægt er að spjalla við, hefur miklar mætur á Bruce Willis, tengdasonur Ingólfs Guðbrandssonar, á að ég held rollur, með skemmtilegan aðstoðarmann.

Samfylking
Ingibjörg Sólrún - Utanríkismálaráðherra: Á mann sem talar kínversku, pabbi hennar er Sjálfstæðismaður, þekkir Pétur Árna Jónsson snilling, á gríðarljótt skartgripasafn, sá til þess að Mörður Árnason, Guðmundur Steingrímsson og Róbert Marshall komust ekki á þing.
Össur Skarphéðinsson - Iðnaðarráðherra: Fór í megrun með Davíð Oddsyni þegar þeir voru saman í ríkisstjórn, setti á veiðikortin sem komu Einar Kristni í vandræði við lundaveiðar, þekkir Pétur Árna Jónsson, bróður Magga Skarp hjá músavinafélaginu og fyrrverandi skúringamanns hjá Baugi, sendi Baugsmönnum skemmtilegt bréf eftir að þeir ráku Magga bróðir.
Kristján Möller - Samgöngumálaráðherra: Pabbi Jóa Möllers fyrrverandi leikmanns ÍBV, var í bæjarstjórn í Fjallabyggð með stórtenórnum Hlöðveri frá Haga, átti Siglósport.
Þórunn Sveinbjarnardóttir - Umhverfismálaráðherra: býr bláa bænum Garðabæ, var í kvennalistanum, einn af fáu rauðhærðu ráðherrum í heiminum.
Jóhanna Sigurðardóttir - Félagsmálaráðherra: hennar tími er kominn, maki hennar er rithöfundur og leikskáld, fyrrverandi flugfreyja og formaður Svalana.
Björgvin G. Sigurðsson - Viðskiptaráðherra: samkvæmt eigin orðum þá er hann alinn upp í virkjun, fyrrverandi húsvörður í þjóðveldisbænum í Þjórsárdal, dóttir hans er fædd klukkutíma undan dóttur minni og voru þær báðar teknar með keisaraskurði að kveldi 14.október 2003.

 

Svona "vel" þekki ég þessa blessuðu ríkisstjórn.