Að velja rétt..

Það getur verið erfitt að velja, hvað þá að velja rétt. Á föstudagskvöldið þá var XFactor á Stöð 2. Þessi þáttur er að takast ágætlega hjá því ágæta fyrirtæki. XFactor er miklu ferskari en Idolið sem var orðið soldið þreytt undir lokin. Í þættinum á föstudaginn þá fengu frábærir listamenn fæstu atkvæðin í atkvæðagreiðslunni og þurfti að velja að lokum hver færi heim. Ellý fékk það hlutverk að skera út hvort að það væri Siggi Kapteinn eða Gís sem færu heim. Með fulltri virðingu fyrir Ellý og Gís þá tel ég að ákvörðun Ellýjar hafi verið arfavitlaus og ég er á þeirri skoðun að sú staðreynd að Einar Bárða hafi verið með fullt hús fyrir þennan þátt hafi haft meiri áhrif á val Ellýjar en nokkuð annað. Gís hefur staðið sig vel en mér fannst þær ekki upp á sitt besta á föstudaginn og því hefði ég valið að þær hefðu farið heim ef valið stóð á milli þeirra og Sigga. Aftur á móti voru hvorki Siggi né Gís lélegust þetta kvöld og að mínu mati völdu því kjósendur XFactors rangt það kvöld.
Svo í gærkvöldi var Eurovision á RÚV það var Eiríkur Hauksson valinn okkar fulltrúi. Það aftur á móti tel ég rétt úrslit. Lagið er skemmtilegt og öðruvísi en flest Evrovision lög. Ég hef trú á rauðhærða víkingnum.